फाईल तस्बिर
गोरखा । गोरखा सदरमुकाममा रहेको गोरखा संग्रालयको १८ हजार बढीले अबलोकन गरेका छन् । गएको साउनदेखी असोज मसान्तसम्म १८ हजार ५१ जनाले अबलोकन गरेको कार्यालय प्रमुख जय नारायण कार्कीले जानकारी दिए ।
उनका अनुसार सबैभन्दा बढी साउन महिना संग्रालयको अबलोकन गर्न आएका थिए । साउन महिनामा ६५९ जना बिद्यार्थी, ६ हजार ५१५ जना सर्व साधारण नेपाली, ८ जना सार्क राष्ट्रका र ६५ जना तेस्रो देशका विदेशीहरु गरी कुल ७ हजार २४७ जनाले संग्रालयको अबलोकन गरेको थिए ।
भाद्रमा त्यो संख्या घटेर जम्मा ४ हजार ६८५ जनाले संग्रालयको अबलोकन गरेको पनि उनले जानकारी दिए । प्रमुख कार्कीका अनुसार भाद्र महिनामा ६१७ जना बिद्यार्थी, ४ हजार ४ जना सर्व साधारण नेपाली, ९ जना सार्क राष्ट्रका र ५५ जना तेस्रो देशका बिदेशीहरुले संग्रालयको अबलोकन गरेका थिए ।
असोज महिनामा भने त्यो संख्या बढेर ६ हजार ११९ जना पुगेको थियो । जसमा १ हजार २४९ जना बिद्यार्थीहरु, ४ हजार ६६० जना सर्व साधारण नेपाली, २ जना सार्क राष्ट्रका र २०८ जना तेस्रो देशका पर्यटकहरुले संग्रालयका अबलोकन गरेका थिए ।
बिद्यार्थीहरुको शैक्षिक भ्रमणको सिजन भएकोले अबको केही महिना संग्रालय अबलोकन गर्नेहरुको संख्या ह्वात्तै बढ्ने अनुमान प्रमुख कार्कीले गरेका छन् ।
३ महिनाको अबधिमा बिद्यार्थी २ हजार ५२५ जना, सर्व साधारण नेपाली १५ हजार १७९ जना, सार्क राष्ट्रका १९ जना र ३२८ जना तेस्रो देशका पर्यटकले संग्रालय अबलोकन गर्दा ४ लाख ७५ हजार ८७५ रुपैयाँ राजश्व समेत संकलन भएको लेखा शाखाले जानकारी दिएको छ ।
