गोरखा । आरोहीहरुको गाउँ भनेर परिचित गोरखाको लाप्राकका युवाहरुको ठूलो समूहले मनास्लु हिमालको सफल आरोहण गरेका छन् ।
धार्चे गाउँपालिका–४ मा पर्ने लाप्राक गाउँका १० जना युवाहरुले एकै पटक मनास्लु हिमालको सफल आरोहण गरेका हुन् ।
यसै बर्षको सेक्टेम्बरको सिजनमा लाप्राकका सन्दिप गुरुङ, उज्वल गुरुङ, आशबहादुर गुरुङ, बुद्व गुरुङ र डम्बर गुरुङले सफल आरोहण गरेको स्थानिय रोजन गुरुङले जानकारी दिए ।
उनका अनुसार ति ५ जनाले ईलाइट एक्सपिडिसन मार्फत मनास्लु हिमालको सफल आरोहण गरेका हुन् ।
सोही गाउँका पूर्ण बहादुर गुरुङले अल्पाइनबाट, राम बहादुर गुरुङ र ईमान गुरुङले काई टु बाट प्रतिनिधित्व गरेर हिमालको सफल आरोहण गरेका हुन् ।
त्यस्तैगरी, सुजन गुरुङ र धिरज गुरुङले हिमालयन सवमिट मार्फत मनास्लु हिमालको सफल आरोण गरेका हुन् ।
दशैं जना युवाहरुको समूहले सेक्टेबरको अन्तिम हप्तामा हिमालको आरोहण गरेका हुन् ।
विश्व बजार माफ ‘किलर माउन्टेन’ भनेर परिचित गोरखा मनास्लु हिमाल विश्वको आठौं र नेपालको सातौं अग्लो हिमाल हो । जसको उचाई ८ हजार १५६ मिटर रहेको छ ।
यो हिमाललाई स्थानियले कुताङ्ग हिमालको रुपमा समेत चिन्ने गर्दछन् । यो हिमाल पहिलो पटक सन १९५६ जापानी आरोही टोलीका तासिओ इमानिसीले र नेपाली ग्याल्जेन नोर्बुले आरोण गरेपछी खुल्ला गरिएको हो ।