गोरखा । गोरखा सदरमुकाम हरेको गोरखा दरबार संग्रहालयको करिब १४ हजार मानिसले अबलोकन गरेका छन् ।
यो आर्थिक बर्षको साउन यता १३ हजार ३२३ जनाले अबलोकन गरेको संग्रहालय प्रमुख जय नारायण कार्कीले जानकारी दिए ।
उनका अनुसार साउन महिनादेखी असोज १२ गते आइतबारसम्म उक्त संख्याका मानिसले संग्रहालयको अबलोकन गरेको बताए ।
‘साउन महिनामा मात्रै ७ हजार २४७ जनाले अबलोकन गरेको थियो’ उनले भने ‘भाद्र महिनामा ४ हजार ६८५ जनाले अबलोकन गरेकोमा असोजको १२ गतेसम्म १ हजार ३९१ जनाले अबलोकन गरेको हो ।’
संग्रहालयले उपलब्ध गराएको तथ्यांक अनुसार साउन महिनामा ६५९ जना बिद्यार्थी, ६ हजार ५१५ जना नेपाली, ८ जना सार्क राष्ट्रका र ६५ जना बिदेशीले अबलोकन गरेको छ ।
त्यस्तैगरी, भाद्र महिनामा ६१७ जना बिद्यार्थी, ४ हजार ४ जना नेपाली, ३१ जना सार्क राष्ट्रका र ५५ जना बिदेशीले संग्रहालयको अबलोकन गरेको थिए ।
त्यस यता असोजको १२ दिनमा १८३ जना बिद्यार्थी, १ हजार १७४ जना नेपाली, ३१ जना सार्क राष्ट्रका र ३ जना बिदेशीले संग्रहालयको अबलोकन गरेको छ ।
बिद्यार्थीहरुको शैक्षिक भ्रमण गर्ने सिजन भएता पनि दशैं पर्वका कारण अबलोकन गर्नेहरुको संख्यामा कमी आएको प्रमुख कार्कीले बताए ।
यो अवधिमा कार्यालयले ३ लाख ५२ हजार ८६५ रुपैयाँ राजश्व समेत संकलन गर्न सफल भएको संग्रहालयको लेखा शाखाले जानकारी दिएको छ ।