गोरखा । गोरखा दरर्बारको दशैंघरबाट काठमाडौंको हनुमान ढोका दरर्बारका लागि फूलपातीसहितको डोली पठाइएको छ ।
बडादशैं अन्तर्गत फूलपातीका दिन आज बिहान ७:३० बजेको शुभसाइतमा गोरखा दरर्बारका सुसारेहरुले विधिपूर्वक पुजाअर्चाना गरेर हुनमान ढोका दरर्बारकालागि फूलपाती पठाइएको गोरखा दरबार हेरचाह अड्डाका प्रमुख बिष्णुप्रसाद पाठकले जानकारी दिए ।
फुलपाती पुरातत्व विभागकाे बा. २ झ ३८८२ नम्बरको सरकारी गाडीमा राखेर हनुमान ढोका दरर्बारकालागि फूलपाती पठाइएको हाे । गोरखा दरर्बारको दशैंघरबाट दरर्बारका सुसारेहरुले फूलपातीसहितको डोली बोकेर ल्याई गाडीमा राखेर पठाएका हुन् ।
बाजागाजासहितको र्याली निकालेर फूलपातीको विदाइ गरिएको गोरखाकाली मन्दिरका मूलपुजारी शारदाप्रसाद भट्टराईले जानकारी दिए । ‘‘गोरखाबाट पठाइएको फूलपाती हनुमान ढोका दरबारमा पुर्याएपछि आजै साँझ हर्ष बढाइका साथ हनुमान ढोका दरबारमा भित्र्याउने प्रचलन छ,’’ उनले भने ।
तत्कालिन गोरखाका राजा पृथ्वीनारायण शाहले काठमाडौंमा हनुमान ढोका दरर्बारबाट राजकाज सुरु गरेपछि हरेक बर्ष बडादशैंको सातौं दिन गोरखा दरर्बारको दशैंघरबाट फूलपातीसहितको डोली काठमाडाैंको हनुमान ढोका दरर्बारमा लगेर भित्रउने गरिएको पाइन्छ ।
फुलपाती बिदाईमा जिल्ला समन्वय समिति गोरखाका प्रमुख मोहनबहादुर थापामगर, गोरखा नगरपालिकाका नगरप्रमुख कृष्णबहादुर रानामगर, नेपाली सेनाकाे ब्याण्ड टाेली, तत्कालिन पृथ्वीनारायण शाहका पालाका गुरु ज्यूकाे पल्टनका साथै सुरक्षा निकायका प्रमुख, सरकारी कार्यालयका प्रमुख तथा प्रतिनिधी तथा संघ संस्थाका प्रतिनिधी एवं सर्वसाधारणहरु, लगायतले गोरखा दरबारका कर्मचारीहरुले फूलपातीको विदाई गरेर हनुमान ढोका दरबार पठाएका हुन् ।
गोरखा दरबारको दशैंघरमा पनि आज साँझ ४:३० बजे फुलपाती डाडाँबाट ल्याएकाे फुलकाे डाेली हर्ष बढाइका साथ भित्र्याइन्छ ।
