गोरखा । गोरखा सदरमुकाम नजिककै नयाँसाघु बजारमा ‘तिहार सस्तो मेला–२०८२’को आयोजना गरिएको छ ।
स्थानिय दरौदी सृजनशिल महिला समुहको आयोजनामा मेलाको आयोजना गरिएको हो ।
मेला असोज २२ गते बुधबारदेखी कात्र्तिक २ गते आइतबारसम्म गरी कुल १२ दिन सञ्चालनमा आउने समुहकी अध्यक्ष रन कुमारी राना मगरले जानकारी दिए ।
मेलामा स्थानिय उत्पादन, कला, संस्कृती, जातजातीको भेषभूषा एवं मानव निर्मित घरेलु उत्पादनका सामाग्रीहरु प्रर्दशन तथा बिक्री गरिने पनि अध्यक्ष मगरले बताए ।
मेलाकोलागि स्थानिय तहबाट स्विकृती लिएकोभन्दै मेलामा १०० वटा विभिन्न प्रकारको स्टल रहने मेला आयोजना गर्न समन्वय गर्ने देव बहादुर नेपालीले जानकारी दिए ।
नेपालीका अनुसार मेलामा विभिन्न मनोरञ्जनका सामाग्रीका साथै बाल उद्यान एवं पिंगको समेत ब्यवस्था गरिएको छ ।
मेला अवधिभरमा करिब ३० हजार मानिसले अबलोकन गर्ने र उक्त अवधिमा २१ लाखको कारोबार हुने अनुमान गरिएको छ ।
आयोजकले भने मेला अवधिभरमा करिब २६ लाख रुपैयाँ खर्च हुने अनुमान गरेको छ । मेला अबलोकन गर्न आउने बिद्यार्थीहरुलाई रु ५० र सर्व साधारणलाई रु ७५ को टिकट लाग्ने छ ।
मेलामा खुल्ला लोक दोहरी गितको प्रतिस्पर्धा गराईने र पहिलो, दोस्रो र तेस्रो हुनेलाई क्रमश.८०, ४० र २० हजार नगद सहित प्रमाण पत्र प्रदान गरिने पनि आयोजक समुहले जानकारी दिएको छ ।
उक्त मेलामा राष्ट्रिय स्तरका कलाकारहरुको समेत प्रस्तुती रहने आयोजनले जनाएको छ ।