गोरखा । गोरखामा पहिलो पटक सार्वजनिक सवारी साधनमा सिसी क्यामेरा जडान गरिएको छ ।
यात्रुको सुरक्षा र सडक दुर्घटनाका क्रममा हुने प्रमाणकालागि पहिलो पटक गोरखामा चल्ने सार्वजनिक सवारीमा सिसी क्यामेरा जडान गरिएको हो ।
गोरखाबाट बिरगञ्ज चल्ने यात्रुबाहक बस ग. ०३–०१ ख ००२६ मा सिसी क्यामेरा जडान गरिएको छ ।
सवारी धनी गोरखा जिल्ला अजिरकोट गाउँपालिका–४ बालुवा निवासी ज्ञान बहादुर गुरुङले आफ्नो सवारीमा जिल्लामा नै पहिलो पटक सिसी क्यामेरा जडान गरेका हुन् । उनका अनुसार यात्रुको सुरक्षा तथा भवितब्य घटनामा प्रमाणकालागि क्यामेरा जडान गरिएको बताए ।
सन टेक्नोलोजिलले चाईनामा बनेको यूएनभीको ६ वटा क्यामेरा बसमा जडान गरेको प्रोपाइटर नारायण भट्टले जानकारी दिए । उनका अनुसार उक्त बसमा जडान गरिएका क्यामेरा तथा अन्य प्राविधिक बस्तुमा ७० हजार खर्च आएको बताए ।
क्यामेरा संगै १० च्यानलको एनभिआर, १ हजार जिबीको हार्डडिक्स, १० पोर्टको पिओई स्विच बसमा राखिएको छ ।
बसमा नेट सहितको ब्यवस्था भएकोले देशको कुनै पनि भागमा जाँदा वा आउदा सवारी धनीले घरमा नै बसेर बस भित्र र बाहिरका गतिविधी सहजै हेर्न सक्ने पनि सन टेक्नोलोजिले जनाएको छ ।
