गोरखा । साना बालबालिकाहरुको ‘गोरखा डान्स च्याम्पियन २०८२’ को नाममा ठगी गरेको आरोपमा गोरखा प्रहरीले ४ जना युवायुवतीलाई पक्राउ गरेको छ ।
पक्राउ पर्नेमा रुपन्देही जिल्ला, तिलोत्तमा नगरपालिका–७ बस्ने वर्ष २० कि आयुषा पाण्डे वर्ष २१ का पुरुशोत्तम न्यौपाने, रुपन्देही जिल्ला, कन्चन गाउँपालिका–१ बस्ने वर्ष २० कि शारदा क्षेत्री, वर्ष १९ कि तनिशा मगर भएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी ईन्द्र प्रसाद सुवेदीले जानकारी दिए ।
उनीहरुलाई प्रहरीले साउन ७ गते बुधबार बिहान ११ः३० बजेको समयमा जिल्ला गोरखा आरुघाट गाउँपालिका–९ आरुघाट बजारबाट नियन्त्रणमा लिएको हो ।
पक्राउ परेकाहरुले एपि नाच घर तिलोत्तमा मणिग्राम रुपन्देहीद्वारा आयोजना गरेको भन्ने पारी गोरखा डान्स च्याम्पियन २०८२ सन्चालन गरी विभिन्न ठाउँका बालबालिकाहरुलाई नाचमा सहभागी बनाई छनौट गरिरहेका थिए ।
पक्राउ परेकाहरुबाट सहभागीहरुले फाइनल जित्नको लागि निजहरुले उपलब्ध गराएको प्रतिगोटा १०० रुपैयाँ पर्ने भोटिङ कार्डमा गोरखा डान्स न्च्ब्ल्म् ँक्ष्ल्ब्ीभ् च्याम्पेन समेत लेखको भोटिङ कार्ड समेत बरामद भएको सूचना अधिकारी सुवेदीले बताए ।
भोटिङ कार्ड धेरै बिकाउ सक्नेले बिजेता हुने, बिजेता विभिन्न कार्यक्रमहरुमा सहभागी हुन पाउने, विभिन्न पुरस्कारहरु समेत जित्ने भनि झुठो प्रलोभन देखाई, झुक्याई, प्रलोभनमा पारी विश्वास दिलाई नाचमा सहभागी बालबालिकाहरुको अभिभावक मार्फत रकम असुली गरी ठगी गरेको भन्ने पीडितहरु मार्फत सूचना प्राप्त भए लगत्तै उनीहरुको खोजी गोरखा प्रहरीले गरेको थियो ।
खोजी लगत्तै आयुषा पाण्डे, पुरुशोत्तम न्यौपाने, तनिशा मगर र शारदा क्षेत्रीलाईबाट नगद ८९ हजार ७६० रुपैयाँ, पुरै काटेको टिकटको अर्धकट्टी प्याड थान ७, केही प्रति काटेको टिकटको प्याड थान १ र नकाटेको टिकट प्याड थान १३ समेत बरामद भएको गोरखा प्रहरीले जनाएको छ ।
पक्राउ परेका चारै जना बिरुद्व ठगी सम्बन्धी कसूरमा अनुसन्धानको लागी गोरखा जिल्ला अदालत गोरखाबाट म्यादथप गरी अनुसन्धान सुरु गरिएको सूचना अधिकारी सुवेदीले बताए ।
गोरखा प्रहरीले उनीहरु मार्फत अरुपनि कोही ठगिएको भए सदरमुकाममा रहेको प्रहरी कार्यालयमा सम्पर्क राख्न जिल्ला प्रहरी कार्यालय गोरखाका प्रहरी प्रमुख प्रहरी उपरिक्षक भरत बिकले आग्रह समेत गरेका छन् ।