गोरखा । गोरखा सदरमुकाममा रहेको गोरखा संग्रालयको अबलोकन गर्नेहरुको संख्या बर्षेनी बढदै जान थालेको छ ।
गत आव ०८०-०८१ को तुलनामा यो आब ०८१-०८२ मा संग्रालय अबलोकन गर्नेहरुको संख्या ३ हजार ५४६ जनाले बढी रहेको गोरखा दरर्बार संग्रालयका प्रमुख जय नारायण कार्कीले जानकारी दिए ।
उनका अनुसार आव ०८०-०८१ मा १ लाख १९ हजार १८७ जनाले संग्रालयको अबलोकन गरेकामा आव ०८१-०८२ मा त्यो संख्या बढेर १ लाख २२ हजार ७३३ जना पुगेको हो ।
२०६५ साल जेठ १९ गते बिधीवत रुपमा खुल्ला गरिएको यो संग्रालयमा अबलोकन गर्नेहरुको संख्या अहिलेसम्मकै बढी भएको प्रमुख कार्कीले बताए । ‘कार्यालयको रेकर्ड हेदा संग्रालयमा अबलोकनकालागी आउनेहरुको संख्या बर्षेनी बढदै गएको देखिन्छ’ उनले भने ‘आर्थिक बर्ष ०८२-०८३ मा अझै बढी हुने अनुमान गरिएको छ ।’
आव ०८१-०८२ मा मात्रै ३६ हजार २९८ जना बिद्यार्थी, ८४ हजार २५७ जना नेपाली, सार्क देशका १७५ जना र २ हजार ३ जना बिदेशीहरुले संग्रालयको अबलोकन गरेको कार्कीले बताए ।
सोही अवधीको आव ०८०-०८१ मा ३५ हजार ३५६ जना बिद्यार्थी, ८२ हजार १४४ जना नेपाली, सार्क देशका १५९ जना र १ हजार ५२८ जना बिदेशीले संग्रालयको अबलोकन गरेको कार्यालयको रेकर्डमा उल्लेख गरिएको छ ।
तात्कालिन राजा राजेन्द्र बिक्रम शाहको पालामा विक्रम संम्बत १८९६ सालमा निर्माण भएको उक्त दरर्बार अहिले ६८ रोपनी क्षेत्रफलमा फैलिएको छ ।
तात्कालिन पञ्चायत कालमा जिल्लाका सबै सरकारी कार्यालय रहेको उक्त दरर्बार संग्रालयको रुपमा बिकास गरेर तात्कालिन प्रधानमन्त्री पुष्पकमल दाहाल ‘प्रचण्ड’को पालामा ०६५ साल जेठ १९ गतेबाट सर्व साधारणहरुकोलागी खुल्ला गरिएको थियो ।
६८ रोपनी क्षेत्रफलमा फैलिएको उक्त संग्रालयको परिषर भित्र ३०० प्रजातिका बोट बिरुवाहरु छन् ।
बरर्बारको बिच भागमा रहेको १२ वटा कोठामा नेपाल एकिकरणका पिता एवं तात्कालिन राजा पृथ्वीनारायण शाहका ४४ हात १६ अंगुल लामो चिना, उनले तात्कालिन अबस्थामा लडाइमा प्रयोग गरिएका हात हतियार, दिब्य उपदेश, भाँडाबर्तनका साथै सोही बेला प्रयोगमा आएको मोहर (सिक्का–पैसा), लिच्छबी कालिन चैत्यहरुका साथै विभिन्न जातजातिलाई दर्शाउने गरगहना तथा भेषभूषा र बाजागाजाहरु प्रर्दशनमा राखिएको छ ।