काठमाडाैं । धरहरा भोलिदेखि दैनिक १२ घण्टा खुल्ने भएको छ । साउन १ गतेदेखि धरहरा बिहान ८ बजेदेखि बेलुकी ८ बजेसम्म सञ्चालन हुने शहरी विकास मन्त्रालयका प्रवक्ता नारायण मैनालीले बताएका हुन् ।
अहिले दैनिक बिहान १० देखि बेलुका ४ बजेसम्म (दैनिक ६ घण्टा) धरहरा सर्वसाधारणका लागि खुल्ला हुँदै आएको छ ।
त्यस्तैगरी शनिबार बन्द हुने धरहरा अबदेखी बुधवार धरहरा बन्द हुने भएको छ ।
०७२ वैशाख १२ गतेको भूकम्पले ढलेको धरहरा पुननिर्माणपछि गएको असोज ३ गतेदेखि परिक्षणका रुपमा खुला गरिएको थियो ।
