गोरखा । गृह मन्त्रालयले प्रयोगमा ल्याएको सिसीआईएमएस प्रणाली मार्फत सिफारी नआएको खण्डमा आउदो साउन १ गतेदेखी नागरिकता नबन्ने भएको छ ।
कार्यालयले गोरखाको सबै स्थानिय तहलाई यस अधि नै पत्राचार गरी नागरिकता बनाउने ब्यत्तीको सिसीआईएमएस प्रणाली मार्फत सिफारीस गर्न भनेको जिल्ला प्रशासन कार्यालयका सहायक प्रमुख जिल्ला अधिकारी चित्राङ्गत बरालले जानकारी दिए ।
कार्यालयले आज एक सूचना जारी गर्दै साउन १ गतेदेखी सिसीआईएमएस प्रणाली मार्फत सिफारीस नआउने ब्यत्तीको नागरिकता बनाउन नसक्ने जनाएको हो ।
जारी सूचनामा ‘सबै स्थानीय तहहरुको वडा स्तरबाट नै अनलाइन प्रणाली मार्फत नेपाली नागरिकताको सिफारिस गर्ने गरी गृह मन्त्रालयले प्रयोगमा ल्याएको CCIMS System गोरखा जिल्लामा मिति २०८२ असार २ गतेदेखी अनिवार्य अनलाईन सिफारिस भईसक्दा समेत केही वडाहरुबाट अझैपनी प्रणाली मार्फत सिफारिस नआएको’ कुरा उल्लेख गरेको छ ।
सोही सूचनामा ‘मिती २०८२ साउन १ गतेदेखी प्रणाली बाहेकका सिफारिस भई आएमा नागरिकता जारी गर्न नसकिने ब्यहोरा अनुरोध छ’ भनिएको छ ।
नेपाली नागरिकता लिनकालागी वडा स्तरबाट लिइने सिफारिस पहिला सिसीआईएमएस प्रणालीमा प्रविष्ट गनुपर्ने र सोही सिफारिस नेपाली कागजमा प्रिन्ट गरी पठाउनु पर्ने ब्यवस्था गरिएको सहायक प्रजिअ बरालले बताए ।
यो प्रणाली अन्तरर्गत अन्य स्थानिय तहले सिफारिस गरेको भएता पनि गोरखा नगरपालिकाको कुनै पनि वडाले अहिलेसम्म सिसीआईएमएस प्रणाली मार्फत सिफारिस नगरेको उनले बताए ।
