गोरखा । पर्यटकलाई आकर्षित गर्ने उदेश्यले गाेरखा सदरमुकाममाकाे ठुलाे आँगनमा आदीबासी जनजातिको परम्परागत भेषभूषा प्रर्दशनी तथा सेवा कक्षा सञ्चालनमा ल्याइएको छ ।
गोरखा नगरपालिकाले गोरखा भ्रमण वर्ष २०२५ को अवसर पारेर भेषभूषा प्रदर्शनी तथा सेवा कक्ष स्थापना गरेको हो ।
प्रर्दशनी कक्षमा बिभिन्न १२ वटा आदीबासी जनजाति समुदायका महिला तथा पुरुषले लगाउने परम्परागत जातिय भेषभूषा, पहिरन, गरगहना तथा दैनिक जीवनमा प्रयोग हुने सामाग्रीहरु राखिएको छ ।
आदीबासी जनजाति भेषभूषा प्रर्दशनी कक्ष तथा सेवा केन्द्रमा पुगेर पर्यटकहरुले बिभिन्न आदीबासी जनजाति समुदायका परम्परागत पोशाकमा सजिएर तस्विर खिच्न पाउने व्यवस्था गरिएको हाे ।
भेषभूषा प्रदर्शनी कक्षमा गुरुङ, मगर, तामाङ, नेवार, चेपाङ्ग, राई, लिम्बु, थकाली, दराई, कुमाल, सन्यासी र धिमाल जातजातिको भेषभूषा प्रदर्शनमा राखिएको छ ।
त्यस्तै जनजातिका महिला तथा पुरुषद्वारा परम्परागत रुपमा प्रयोग गरिने कपडा, गहना, घरेलु भाँडाकुँडा, बनोट र विशेष पर्वमा लगाइने सांस्कृतिक पोशाकहरू समावेश छन् ।
