गोरखा । प्रदेश अस्पताल गोरखामा रहेको एक्सरे मेशिन आज साँझदेखी अबरुद्व हुने भएको छ ।
अस्पतालमा रहेको एक्सरे शाखामा केही सुविधा थप गर्न लागेकोले सेवा अबरुद्व हुने भएको अस्पताल प्रशासनले जनाएको छ ।
अस्पताल प्रशासनले हिजो सूचना जारी गर्दै असार १८ गते बेलुकी ५ बजेदेखी अर्कोे सूचना प्रकाशित नहुदासम्म एक्सरे सेवा अबरुद्व हुने जनाएको हो ।
हाल भईरहेको एक्सरे मेशिन पुरानो भएकोले सेवा लिन आउनेहरुले लामो समय कुर्नुपर्ने भएपछी नयाँ प्रविधिको नयाँ मेशिन जडान गर्न लागिएको अस्पतालका मेडिकल सुपरिटेन्डेन्ट सिद्वार्थ खनाले बताए ।
नयाँ जडान हुने मेशिन डिजिटल सिष्टमको भएकोले तत्कालै सेवाग्राहीलाई रिर्पोट दिन मिल्ने र प्रभावकारी खालको भएको उनले जानकारी दिए ।
शाखामा नयाँ प्रविधि युक्त DR X-ray System जडान गर्न लागेकोले आज साँझदेखी सेवा बन्द गरेर काम गर्न लागिएको हो ।
प्रदेश सरकारबाट प्राप्त उक्त मेशिन जडानका लागी काठमाडौंबाट प्राविधिकहरुको टोली आईसकेकोले २–३ दिनमा सेवा दिन सकिने मेसु खनालले बताए ।
