गोरखा । गोरखा सदरमुकाममा रहेको ‘गोरखा संग्रालय’मा विगत ११ महिनामा अबलोकन गर्नेको संख्या १ लाख १७ हजार नाघेको छ ।
गएको ०८१ साल साउन महिनादेखी ०८२ साल जेठ महिनासम्म कुल १ लाख १७ हजार ४६५ जनाले संग्रालयको अबलोकन गरेको संग्रालय प्रमुख जय नारायण कार्कीले जानाकारी दिए ।
प्रमुख कार्कीका अनुसार गत बर्षको सोही अवधीभन्दा अहिले ३ हजार १२१ जना बढी अबलोकन कर्ताले संग्रलायल अबलोकन गरेको बताए ।
यो अवधिमा नेपाली बिद्यार्थी ३५ हजार ७८१ जना र सर्व साधारण नेपाली ७९ हजार ५६४ जना गरी १ लाख १५ हजार ३४५ जनाले संग्रालयको अबलोकन गरेका छन् ।
त्यस्तैगरी, १ हजार ९६१ जना बिदेशी र १५९जना सार्क देशका गरी कुल १ लाख १७ हजार ४६५ जनाले अबलोकन गरेको संग्रालय प्रशासनले जनाएको छ ।
गत बर्षको सोही अवधिमा भने स्वदेशी तथा विदेशी गरी कुल १ लाख १४ हजार ३४४ जनाले संग्रालयको अबलोकन गरेका थिए ।
संग्रालयले यो ११ महिनाको अवधिमा २६ लाख ७६ हजार ११० रुपैयाँ राजश्व संकलन गर्न सफल भएको पनि संग्रालय प्रमुख कार्कीले जानाकारी दिए ।
तात्कालिन राजा राजेन्द्र बिक्रम शाहको पालामा बिक्रम संम्बत १८९६ सालमा निर्माण भएको उक्त दरर्बार अहिले ६८ रोपनी क्षेत्रफलमा फैलिएको छ ।
पंञ्चायत कालमा जिल्ला भित्रका सबै सरकारी कार्यालय रहेको यो दरर्बारमा बिक्रम संम्बत २०६५ साल जेठ १९ गते विधीवत रुपमा संग्रालयको रुपमा खुल्ला गरीएको हो । संग्रालय परिषर वरपर करिब ३०० प्रजातिका बोट बिरुवाहरु देख्न पाइन्छ ।