कैलासबाबु श्रेष्ठ/मुस्ताङ । मुस्ताङको मुक्तिनाथ मन्दिर र बसपार्क क्षेत्र क्लोज सर्किट क्यामेरा (सिसी क्यामेरा) जडान गरिएको छ ।
मन्दिरमा आउने भक्जन र उनीहरुले प्रयोग गर्ने सवारी तथा पदमार्गमा हुने गलत गतिविधीलाई नियाल्ने गरी सिसी क्यामेरा जडान गरिएको प्रमुख जिल्ला अधिकारी एवं मुक्तिनाथ मन्दिर बिकास समितिका अध्यक्ष बिण्णु प्रसाद भूषालले बताए ।
मुक्तिनाथ मन्दिरमा केही बर्ष यताबाट स्वदेशी तथा बिदेशी पर्यटकको ओइरोनै लाग्न थालेको छ । त्यसैले पनि दर्शनार्थीहरुको सुरक्षा र मन्दिर तथा त्यहाँ हुने गलत गतिविधीको निगरानी गर्न आवश्यक भएकोले क्यामेरा राख्नु परेको उनले बताउ ।
‘पछिल्लो समय दर्शनार्थीबाट ब्यापक रुपमा गुनासाहरु आउन थाले’ उनले भने,‘गुनासा संगै सत्य तथ्य पत्ता लगाउन र दर्शनार्थीहरुको सुरक्षार्थ पनि क्यामेरा जडान गरीएको हो ।’
पहिलो चरणमा मुक्तीनाथ मन्दिर परिषर भित्र १८ थान सिसी क्यामेरा जडान गरिएको छ । मन्दिर परिषर भित्र मुख्य द्वारदेखी मन्दिर र बुद्व पार्कमा जडान गरिएको छ ।
मुक्तीनाथ बिकास समिति मार्फत जडान गरिएको ति सिसी क्यामेरा मन्दिरमा पुग्नको लागी प्रयोग हुने र भक्तजनहरुले प्रयोग गर्ने बस र पदमार्गमा सबै समेटिएको छ ।
रानी पौवा क्षेत्र र बसपार्क क्षेत्रमा पनी थप ७ स्थानमा सिसी क्यामेरा जडान गरिएको वारागुङ मुक्ती क्षेत्र गाउँपालिका–१ का बडाध्यक्ष एवं पालिकाका प्रबक्ता तथा मुक्तिनाथ मन्दिर बिकास समितीका कोषाध्यक्ष प्रमेश गुरुङले बताए ।
गुरुङका अनुसार आवश्यकता अनुसार आगामी दिनमा अझै केही स्थानहरुमा क्योमरा जडानको कामलाई निरन्तरता दिईने भएको छ ।
कोषाध्यक्ष गुरुङका अनुसार पहिलो चरणमा २५ वटा क्यामेरा जडानको लागी ११ लाख ७७ हजार खर्च भएको छ ।
सन टेक्नोलोजी काठमाडौंको प्राविधिक सहयोगमा जडान गरिएका यूएनभी कम्पनीका ति क्यामेरा नेपालमा साता दिन अगाडी मात्र सार्वजनिक गरिएका थिए ।
सन टेक्नोलोजी सञ्चालक नारायण भट्टका अनुसार मन्दिर र रानीपौवा एवं बसपार्क क्षेत्रमा जडान गरिएका क्यामेराहरु माईनस ४५ डिग्री सेल्सिएस पनी काम गर्न सक्षम छ ।
