गोरखा । गोरखाको गोरखनाथमा चलिरहेको रोट महोत्सवमा भारतबाट विशिष्ट ब्यक्तीहरुको सहभागिता रहेको छ ।
गोरखा नगरपालिका–६ को गोरखा दरर्बार परिषर भित्र रहेको गुरु गोरखनाथको मन्दिरमा चलिरहेको २२औं रोट महोत्सवमा भारतको मथुरा बृन्दाबनबाट आएका बिज्ञ चेतन महाराजले सहभागिता जनाएको हो ।
रोट महोत्सव चलिरहदा आएका चेतनलाई आयोजक संस्था सिद्वाश्रम शक्ति केन्द्र नेपालका संयोजक रामजी अर्याल लगायतले सम्मान गरेका थिए ।
त्यसका साथै भारतकै भुवनेश्वरी, जगन्नाथपुरीबाट समेत श्रद्वालु भक्तजनहरुको सहभागिता रहेको संयोजक अर्यालले बताए ।
अबको केही दिनमा पुनः भारतका केही पिठहरुबाट गुरु गोरखनाथका चेलाहरुको सहभिगता हुने पनि उनले जानकारी दिए ।
६ दिनमा ९० हजार रोट अर्पण, १८ हजार श्रद्वालु सहभागी
२२औं रोट महोत्सवको हिजो छौंठौ दिन सकिएको छ । छौंठौ दिन सम्ममा गुरु गोरखनाथलाई ९० हजार बढी रोट अर्पण गरिसकिएको आयोजक संस्था सिद्वाश्रम शक्ति केन्द्र नेपाल, गोरखा शाखाले जानाकारी दिएको छ ।
अर्पण गरिएको रोटहरु प्रसादक रुपमा श्रद्वालु भक्तजनहरुलाई बितरण गरिनुका साथै देश बाहिर र स्वदेशको विभिन्न जिल्लामा समेत पठाउने काम भईरहेको छ ।
महोत्सवको छौंठौ दिनसम्ममा १८ हजारभन्दा बढी श्रद्वालुहरुको सहभागिता रहेको पनि केन्द्रका संयोजक अर्यालले बताए ।
