गोरखा । उत्तरी गोरखाको साम्दोमा तिर (याक्थुङ मुन्धुम) महोत्सव सुरु भएको छ । महोत्सव कुल पुजा गरेर समापन हुने छ ।
३ दिनसम्म चल्ने महोत्सवमा घोडा दौड प्रतियोगिता समेत सामेल गरीएको स्थानिय निमा दोर्जे लामाले जानकारी दिए । उनका अनुसार बार्षिक रुपमा आयोजना हुने उक्त महोत्सव हिजो शुक्रबारदेखी सुरु भएको छ । महोत्सवको भोली एक कार्यक्रम बिच समापन गरीने छ ।
याक्थुङ मुन्धुमको अन्तिम दिनमा कुल पूजा गरेर समापन गरीने प्रचलन रही आएको छ ।
याक्थुङ मुन्धुममा घोडा दौड प्रतियोगिता समेत राखिएको लामाले जानकारी दिए । दौडमा स्थानिय ३५ जना युवाहरुले सहभागिता जनाएको छ ।
हिजोदेखी भएको घोडा दौडमा सहभागीहरुलाई ३ समूहमा विभाजन गरिएको छ । समूहहरु बिच भोलीसम्मै प्रतिस्पर्धा हुने छ ।
घोडा दौडमा चौरको बिच भागमा राखिएको खादालाई टिप्नु पर्ने हुन्छ । जसले घोडा दौड संगै खादालाई टिप्न सक्छ उनलाई छनौंट गरेर भोली हुने अन्तिम प्रतियोगितामा सहभागी गराईने गर्दछ ।
३५ जना युवाहरुबाट ३ जना युवाहरुलाई छनौट गरी पहिलो, दोस्रो र तेस्रो हुनेलाई नगद सहित सम्मान गर्ने पनि लामाले बताए ।
यही महोत्सवमा तिर हान्ने प्रतियोगिता समेत हुने छ । प्रतियोगितामा तिरले निश्चित निशानामा लगानेलाई पहिलो र वरपर लगाउनेलाई द्वितिय र तृतिय घोषित गरीने छ ।
दुवै प्रतियोगिताको प्रथम, द्वितिय र तृतिय हुनेलाई ३ हजार, १ हजार ५०० र १ हजार रुपैयाँ नगद सहित सम्मान गरीने छ ।
यही प्रतियोगिताबाट भोली हुने कुल देवता पूजाको लागि पूजारी समेत छनौट गरीने लामाले जानकारी दिए । उनका अनुसार तिरले निश्चित बिन्दुमा लगाउने ब्यत्तीले भोली हुने कुल देवता पूजाको पूजारी हुने अवसर पाउने छ ।
पूजारीले सम्मान स्वरुप नगद २५ हजार समेत पाउने लामाले बताए । कुल देवताको पूजा संगै यस बर्षको तिर महोत्सव अन्त्य हुने गर्दछ ।
