काठमाडौं । नेपाली बजारमा आज सुनको भाउले फेरी पनी ऐतिहासिक रेकर्ड बनाएको छ । आज मंगलबार छापावाल सुन तोलामै ६ हजार ९०० रुपैयाँ बढेको नेपाल सुनचाँदी व्यवसायी महासंघकाले जनाएकाे हो ।
सुनकाे भाउ बढेसंगै तोलाको १ लाख ९७ हजार ९०० रुपैयाँ पुगेको महासंघले जनाएकाे छ ।
आजै चाँदीको भाउ पनी तोलामा १० रुपैयाँले वृद्धि भएर तोलाको १ हजार ९७० रुपैयाँमा कारोबार भइरहेको महासंघले जनाएकाे छ ।
अन्तर्राष्ट्रिय बजारमा सोमबार सुनको मूल्यमा भारी वृद्धि हुँदा नेपाली बजारमा पनि त्यसकाे असर देखिएकाे हो । अन्तर्राष्ट्रिय बजारमा प्रतिऔंस मूल्य बढेर ३ हजार ४८० डलर हाराहारी पुगेको छ ।
अमेरिकी राष्ट्रपति डोनाल्ड ट्रम्पले केन्द्रीय बैंक (फेडरल रिजर्भ) लाई दिएको एक धम्कीका कारण सुनको मूल्यमा भारी वृद्धि भएको अन्तर्राष्ट्रिय सञ्चारमाध्यम सीएनबीसीले जनाएको छ ।
ट्रम्पले शुक्रबार मात्रै केन्द्रीय बैंकलाई हस्तक्षेप गर्ने आशयले अभिव्यक्ति दिएका थिए ।