गोरखा । गोरखा सदरमुकाममा करेन्ट लागेर १ जनाको ज्यान गएको छ । ज्यान गुमाउनेमा आरुघाट गाउँपालिका–६ कल्लेरीका हरी बिक भएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी ईन्द्रप्रसाद सुवेदीले जानकारी दिए ।

उनका अनुसार आज बिहान फाईबरको तार तान्ने क्रममा पोलमा चढ्दा विकलाई करेन्ट लागेको थियो । करेन्ट लागेर गंभिर घाईते भएका उनलाई गोरखा अस्पतालका चिकित्सकहरुले मृत घोषित गरेका हुन् ।

गोरखा नगरपालिका–७ को मान्द्रे ढुङ्गा क्षेत्रमा आइतबार बिहान ७ः३० बजे उक्त घटना भएको हो । डिसहोमको पोखरा कार्यालयबाट खटिएको उनीहरुले केही दिनदेखी नै फाइबर नेटको तार तान्ने काम गरी रहेका थिए ।

घटनाको अनुसन्धान गर्न प्रहरी निरिक्षक ध्रुव गौतमको नेतृत्वमा प्रहरी घटना स्थलमा पुगेको पनि गोरखा प्रहरीले जानकारी दिएको छ ।

मृत्तक विकको शव गोरखा अस्पतालमा नै राखिएको छ । उनको कानूनी प्रकृया पुरा गरी शव आफन्तलाई बुझाउने सूचना अधिकारी सुवेदीले बताए ।

लेखकबाट थप:

• सुन र चाँदी दुवैकाे मूल्य बढ्याे
• तेस्रो संस्करणको नेपाल प्रिमियर लिग : पोखरा एभेन्जर्स र सुदूरपश्चिम रोयल्स खेल्दै
• राष्ट्रपतीय निर्वाचनमा पराजित भएपछी भागेर अमेरिका पुगे बोल्सोनारो
• प्रशासनकाे चेतावनी : मुस्ताङ र आसपासका क्षेत्रमा आगामी ३ दिन पदयात्रा नगर्नु
• आजकाे माैसम : वर्षा र हिमपातको जोखिम, सतर्क रहन आग्रह सवैमा आग्रह