आश्रमकाे भवन निर्माणमा सहयाेग गर्नेलाई सम्मान गर्दै गण्डकी प्रदेशका मुख्यमन्त्रि सुरेन्द्रराज पाण्डे
गोरखा । गोररखा सदरमुकाममा निर्माण भई रहेको मानव सेवा आश्रमको भवन निर्माणकालागी करिब ३८ लाख रुपैयाँ संकलन भएको छ ।
नव निर्मित भनवकोलागी अर्थ संकलन गर्ने उद्वेश्य सहित आयोजित ‘मिट एण्ड ग्रिट’ कार्यक्रममा ३७ लाख ८० हजार ६१३ रुपैयाँ संकलन भएको आश्रमको गोरखा शाखाले जनाएको हो ।
चैत्र ५ गते भएको उक्त कार्यक्रममा ६३ जना ब्यत्तीहरुले नगद र प्रतिबद्वता गरेर उक्त रकम जम्मा भएको आश्रमकी सञ्चालिका अञ्जु मोक्तान (संभावना)ले जानकारी दिइन ।
‘मिट एण्ड ग्रिट’ मा भवन भित्रको १ कोठा निर्माणकालागी ५ लाख ११ हजार १११ रुपैयाँका दरले शित्तलकाजी मास्के, श्यामबावु जोशी, बसन्तकुमार श्रेष्ठ र मिलनप्रेम श्रेष्ठद्वारा प्राप्त भएको पनि सञ्चालिका संभावनाले बताइन ।
उक्त रकम प्रदान गर्ने मास्के मानव सेवा आश्रम गोरखाका अभिभावक परिवारका संयोजक हुन भने जोशी भवन निर्माण समितिका कोषाध्यक्ष र बसन्तकुमार श्रेष्ठ अभिभावक परिवारका सदस्य हुन ।
त्यस्तैगरी, सोही कार्यक्रममा गोरखा नगरपालिका–६ पाटेचौरकी मलिना मास्के, ठुलो आँगनकी बिण्णु मास्के, अस्पताल रोडका कृण्ण ढकाल र हाल अष्ट्रेलियामा रहेका सोनिला मास्केले जनही १ लाख ११ हजार १११ रुपैयाँ भवन निर्माणकोलागी सहयोग उपलब्ध गराएको पनि गोरखा आश्रमले जानकारी दिएको छ ।
उक्त रकम सहयोग गर्ने मध्ये ढकाल अभिभावक परिवारका सदस्य समेत हुन । गण्डकी प्रदेशका मुख्यमन्त्री सुरेन्द्रराज पाण्डेको प्रमुख आतिथ्यतामा भएको उक्त कार्यक्रममा हाँस्क कलाकार मनोज गजुरेलको बिषेश प्रस्तुती रहेको थियो ।
कार्यक्रममा विभिन्न पालिकाका प्रमुख तथा उप–प्रमुख, जिल्ला न्ययाधिस, जिल्ला समन्वय समिति गोरखाका प्रमुख, प्रमुख जिल्ला अधिकारी, वडाध्यक्षहरु, जिल्लामा क्रियाशिल राजनैतिक दलका प्रतिनिधी, संघ–संस्थाका प्रमुख तथा प्रतिनिधी र सर्व साधारणहरुको उपस्थिती रहेको थियो ।
केही महिना अगाडी राजधानीकाे रानीबनमा भएकाे ‘मिट एण्ड ग्रिट’ कार्यक्रममा पनि गाेरखा शाखाकाे लागी करिब ४० लाख रुपैयाँ संकलन भएकाे मानव सेवा आश्रमका अध्यक्ष रामजी अधिकारीले जानकारी दिए ।
