गोरखा । हिजो सम्पन्न स्वबियु निर्वाचनमा गोरखा सदरमुकामको लक्ष्मी बजारमा रहेको द्रब्यशाह बहुमुखी क्याम्पसमा नेपाली बिद्यार्थी संघका उम्मेदवार अबिन श्रेष्ठको प्यानल बिजयी भएका छन् ।
उनीहरुले अखिल नेपाल स्वतन्त्र बिद्यार्थी युनियन (क्रान्तिकारी) को समूहलाई पराजित गरेको हो ।
नेबिसंघ र अनेरास्वबियु बिच एलान्स भएर चुनावमा उत्रिएका सभापति अबिन श्रेष्ठले २१६ मत ल्याएर बिजयी भएका हुन् । उनका प्रतिद्वन्दी सचिन खनालले २०२ मत पाएका थिए ।
द्रब्यशाह बहुमुखी क्याम्पस लक्ष्मी बजारमा सभापतिका २ जना उमेम्दवार
चुनावमा उत्रिएका सचिव सुप्रिज बस्नेतले २०७ मत पाउदा उनका प्रतिद्वन्दी एलन गुरुङले भने २०६ मत पाएका थिए । बिजयी भएका बस्नेतको १ मतान्तर फरक परेको हो ।
उता कोषाध्यक्षमा असिम श्रेष्ठले २२६ मत पाउदा उनका प्रतिद्वन्दी अनुप सिंखडाले भने १८३ मत पाएका थिए ।
सचिवमा जित हात पारेको बस्नेत नेबिसंघका हुन भने कोषाध्यक्षमा बिजयी भएका श्रेष्ठ अखिल नेपाल स्वतन्त्र बिद्यार्थी युनियनका हुन ।
मत परिणाम अनुसार सदस्यहरुमा युकेन अर्याल, सुमिका घर्ती, सायदता खातुन, सन्दिप कार्की र पिना कोइराला बिजयी भएका छन् ।
सदस्यहरुमा बिजयी भएका अर्याल, घर्ती, खातुन र कार्की नेबिसंघका हुन भने कोइराला अखिल नेपाल स्वतन्त्र बिद्यार्थी युनियनका हुन ।
सम्पन्न निर्वाचनमा समानुपातिक तर्फ नेबिसंघले १८७, अखिल नेपाल स्वतन्त्र बिद्यार्थी युनियन (क्रान्तिकारी)ले १७५ र अखिल नेपाल स्वतन्त्र बिद्यार्थी युनियनले ५६ मत पाएको क्याम्पस प्रशासनले जानकारी दिएको छ ।