गोरखा । शहिद लखन गाउँपालिका–६ को घैरुङ स्वास्थ्य चौकीमा आजदेखी निःशुल्क स्वास्थ्य शिविर सुरु भएको छ ।
रिपुमर्दन गण र शहिद लखन गाउँपालिकाको आयोजनामा आज र भोली ‘बृहत स्वास्थ्य शिविर’ सञ्चालनमा आएको हो ।
शिविरलाई लायन्स क्लब अफ गोरखाकालिका, प्रभु र सानिमा बैंकको सहयोग रहेको क्लबका सचिव लक्ष्मी श्रेष्ठले जानकारी दिईन । उनका अनुसार शिविर आज र भोली सञ्चालनमा आउने छ ।
शिविरमा विशेषज्ञ डाक्टरहरुको समूहले महिलाहरुलाई हुने पाठेघरको क्यान्सर स्क्रिनिङ्ग अर्थात भिआईए जाँच गरीनुका साथै हाडजोर्नी, स्त्री रोग, चर्मरोग, मधुमेह, जनरल ओपिडी तथा विविध रोगका परिक्षण गरीने छ ।
शिविर अवधीभर निःशुल्क प्रयोगशालाको समेत प्रबन्ध गरीएको सचिव श्रेष्ठले जानकारी दिइन् । शिविरमा आउने सबै बिरामीहरुलाई निःशुल्क औषधी समेतको ब्यवस्था गरीएको छ ।
