प्रतिकात्मक तस्बिर

गोरखा । गोरखा जिल्ला अदालतबाट कैद र जरिवाना भएपछी फरार भएका १ जना अभियुक्तलाई गोरखा प्रहरीले पक्राउ गरेको छ । पक्राउ पर्नेमा आरुघाट गाउँपालिका–१ मान्बुका ३२ बर्षिय राजेन्द्र थापा भएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी ईन्द्रप्रसाद सुवेदीले जानकारी दिए ।

उनका अनुसार पक्राउ परेका थापाले सरकारी छाप किर्ते गरेको आरोपमा गोरखा जिल्ला अदालतले कैद र जरिवाना सजाय फैसाल गरेको थियो । अदालतको फैसला अनुसार ११ महिना ३ दिन कैद र ५० रुपैयाँ जरिवाना गरेको सूचना अधिकारी सुवेदीले बताए ।

फैसला लगत्तै फरार रहेका थापालाई प्रहरीको फैसला कार्यान्वयन विशेष टोलीले यही फागुन २५ गते आइतबार पक्राउ गरेको हो । पक्राउ परेका थापालाई आइतबार नै गोरखा जिल्ला अदालत पेश गरेकोमा अदालतको आदेशले गोरखा कारागार चलान गरेको पनि सूचना अधिकारी सुवेदीले जानकारी दिए ।

लेखकबाट थप:

• सुन र चाँदी दुवैकाे मूल्य बढ्याे
• तेस्रो संस्करणको नेपाल प्रिमियर लिग : पोखरा एभेन्जर्स र सुदूरपश्चिम रोयल्स खेल्दै
• राष्ट्रपतीय निर्वाचनमा पराजित भएपछी भागेर अमेरिका पुगे बोल्सोनारो
• प्रशासनकाे चेतावनी : मुस्ताङ र आसपासका क्षेत्रमा आगामी ३ दिन पदयात्रा नगर्नु
• आजकाे माैसम : वर्षा र हिमपातको जोखिम, सतर्क रहन आग्रह सवैमा आग्रह