गोरखा । गोरखा अस्पतालको नयाँ ब्यवस्थापन समितिले पदभार ग्रहण गरेको छ । प्रदेश अस्पताल गोरखाको नयाँ ब्यवस्थापन समितिले बिहीबार एक कार्यक्रम बिच पदभार ग्रहण गरेका हुन ।
तात्कालिन अस्पताल व्यवस्थापन समितिको बिदाई संगै नयाँ अस्पताल व्यवस्थापन समितिले पदभार ग्रहण गरेको गोरखा अस्प्तालका मेसु डा.सिदार्थ खनालले जानकारी दिए ।
अस्पताल ब्यवस्थापन समिति गठन आदेश, २०८० अनुरुप गठीत समितिको अध्यक्षमा जिल्ला समन्वय समितिको प्रमुख मोहनबहादुर थापा मगर र सदस्यहरुमा गोरखा नगरपालिकाका नगरप्रमुख कृष्णबहादुर राना मगर र प्रमुख जिल्ला अधिकारी पुण्यबिक्रम पौडेलले पदभार ग्रहण गरेका हुन् ।
त्यस्तैगरी, अन्य सदस्यहरुमा प्रमुख कोष तथा लेखा नियन्त्रक इन्द्रप्रसाद पौडेल, गोरखाउद्योग वाणिज्य संघका अध्यक्ष भगवानबाबु मास्के र सदस्य सचिबमा प्रदेश अस्पताल गोरखामा प्रमुख डा। सिद्धार्थ खनालले पदभार ग्रहण गरेका हुन् ।
कार्यक्रममा स्वास्थ्य मन्त्रालय गण्डकी प्रदेशका स्वास्थ्य सचिब डा. विश्वबन्धु बगाले, चिकित्सक महासखा प्रमुख डा. रमेशकुमार केसी, वरिष्ठ लेखा अधिकृत इन्द्रकमल सिग्देल र प्रकाश बरालको समेत उपस्थिति रहेको थियो ।
उक्त कार्यक्रममा निवर्तमान अस्पताल व्यवस्थापन समितिका पदाधिकारीलाई कदर पत्र प्रदान गरी बिदाई गरीएको थियो ।