गोरखा । आउदो चैत्र ५ गते हुने स्वतन्त्र बिद्यार्थी युनियन (स्ववियु) निर्वाचनमा गोरखाको आरुघाट बाहेक ३ वटा क्याम्पसमा निर्वाचन हुने भएको छ । स्ववियु निर्वाचन नगराउने बिषयमा राजनैतिक दल बिच सहमती भएसंगै भिमोदय बहुमुखी क्याम्पसमा आउदो चैत्र ५ गते निर्वाचन नहुने भएको हो ।
राजनैतिक दलको उक्त सहमती प्रति बिद्यार्थी संघ–संगठनले भने बिरोध गरेको छ । बिद्यार्थीहरुको अधिकार खोसिएकोभन्दै तत्कालै निर्वाचनको मिति घोषणा गर्न संघ–संगठनल अनुरोध गरेको छ ।
यता नेपाल बिद्यार्थी संघ गोरखाका अध्यक्ष शिवहरी तिमिल्सिनाले बिद्यार्थीहरुले गर्न पाउने राजनतिमा पार्टीको हस्तक्षप स्विकार्य नहुने बताए । ‘स्ववियु चुनाव भनेकै बिद्यार्थीहरुमा राजनैतिक चेतना जगाउने पहिलो खुडकिलो हो’ उनले भने ‘पहिलो खुडकिलो उक्लनै पार्टीको हस्तक्षप भयो भने स्विकार गर्न सक्दैनौ ।’
तिमिल्सिनाका अनुसार उक्त क्याम्पसमा दर्ता भएको अखिल नेपाल स्वतन्त्र बिद्यार्थी युनियनका जिल्ला अध्यक्ष संग चुनावका बारेमा छलफल भई रहेको र चुनाव गराउनु पर्ने बिषयमा सकारात्म देखिएका छन् । दुवै संघ–संगठन मिलेर निर्वाचन गराउने बिषयमा क्याम्पस प्रशासन संग छलफल अगाडी बढाइने उनले जानकारी दिए ।
२०० जना बिद्यार्थी भएको उक्त क्याम्पसलमा क्याम्पस प्रशासनले नै आयोजना गरेको बैठकमा जिल्लामा क्रियाशिल दलहरुले निर्वाचन नगराउने सहमती भएको थियो । निर्वाचनको निर्धारीत सबै कार्यक्रम रद्व गरेपछी अब गोरखा नगरपालिका–५ को हिले पोखरीमा रहेको गोरखा क्याम्पस, ८ को लक्ष्मि बजारमा रहेको द्रब्य शाह बहुमुखी क्याम्पस र पालुङटार नगरपालिकाको–५ को ठाँटीपोखरीमा रहेको भवानी बहुमुखी क्याम्पसमा मात्र निर्वाचन हुने भएको छ ।
सदरमुकामको दुवै क्याम्पसमा अखिल नेपाल राष्ट्रिय स्वतन्त्र बिद्यार्थी युनियन (क्रान्तिकारी), अखिल नेपाल बिद्यार्थी युनियन (समाजबादी), नेपाल बिद्यार्थी संघ, अखिल नेपाल राष्ट्रिय स्वतन्त्र बिद्यार्थी युनियन नामको २ बिद्यार्थी संगठन र नयाँ शक्ति बिद्यार्थी युनियन गरी ६ वटाले नाम दर्ता गराएको छ भने भवानी क्याम्पसमा ५ वटा संघ–संगठनले मात्र नाम दर्ता गराएको कलेज प्रशासनले जानकारी दिएको छ ।
सदरमुकामको गोरखा क्याम्पसमा छानविन पछी ५०७ जना बिद्यार्थीहरुको नामावली सार्वजनिक गरीएको छ भने लक्ष्मी बजारको द्रब्यशाहमा ४६१ जना र ठाँटीपोखरीको भवानी बहुमुखी क्याम्पसमा २०० जनाको नाम सार्वजनिक गरीएको छ ।
स्ववियु निर्वाचनमा सहभागी हुन सम्बन्धित क्याम्पसमा पनि बिद्यार्थी संगठन, समूह दर्ता हुनुपर्ने ब्यवस्था रहेको छ ।
निर्वाचन तालिका अनुसार १९ गते सोमबार संघ–संगठनको नाम दर्ता हुने समय तय गरिएको थियो ।
त्यस्तैगरी, फागुन २१ गते मतदाता नामावली प्रकाशन र फागुन २५ गते आइतबार मतदाता नामावलीमाथि दाबी विरोधको समय तय गरीएको छ ।
तालिका अनुसार फागुन २६ गते मनोनयन पत्र वितरण र फागुन २७ गते उम्मेदवारी दर्ताको कार्यसूची रहेको छ ।
चैत ५ गते बिहान ८ बजेदेखि दिउँसो ४ः०० बजेसम्म मतदान हुनेछ ।