गोरखा । सदरमुकाममा रहेको हिमचुली बचत तथा ऋण सहकारी संस्था (साकोस)को स्थापना दिवशसको अवशरमा विभिन्न कार्यक्रम गरेको छ । गोरखा नगरपालिका–७ को नयाँ बजारमा रहेको साकोसको ३२औं स्थापना दिशवको अवसरमा बक्तृत्व कला, असल बचत कर्ता र ऋणीलाई सम्मान गरीएको ब्यवस्थापक प्रेम श्रेष्ठले जानकारी दिए ।
उनका अनुसार संस्थाको कार्यालय नयाँ बजारमा आज भएको नगरपालिका भित्रको मावि स्तरिय “सामाजिक तथा आर्थिक रुपान्तरणमा सहकारीको योगदान” विषयमा बतृत्वकला प्रतियोगितामा द वल्ड क्यापिटल मावि रानीबनकी श्रृष्टी गुरुङ्ग, विन्ध्यवासिनी मावि नारेश्वरकी निरुशा थापा, लक्ष्मी सामुदायिक शिक्षा सदन लक्ष्मीबजारका अनुप रोका र राष्ट्रिय मावि घलाङ्गकी रबिना कुमाल क्रमश प्रथम, द्वितिय, तृतिय र सान्त्वना भएका थिए ।
प्रतियोगितामा नगरपालिका भित्रका १२ वटा बिद्यालयको सहभागिता रहेको थियो । बिजेता बिद्यार्थीहरुलाई क्रमश. २ हजार, १५ सय, १ हजार र ५०० नगद र प्रमाण–पत्र प्रदान गरिएको थियो ।
स्थापना दिवशकै अवसरमा सरकारी तथा नीजि विद्यालयमा अध्ययनरत कक्षा १ देखि कक्षा १२ सम्म उत्कृष्ट अंक प्राप्त गर्ने विद्यार्थीहरुलाई नगद पुरस्कार सहित प्रमाण पत्र वितरण गरिनुका साथै संस्थामा आवद्व सदस्यहरु मध्ये असल बचत कर्ता रुपा जोशी, असल ऋणी चन्द्रबहादुर श्रेष्ठ, चण्डीका श्रेष्ठ र ऋषिराम कट्टेललाई समेत सम्मान गरिएको ब्यवस्थापक श्रेष्ठले जानकारी दिए ।
त्यस्तैगरी, संस्थाको मोवाईल एप्सबाट धेरै कारोवार गर्ने सदस्य काजीराम श्रेष्ठ, सामाजिक, शैक्षिक तथा राष्ट्रिय योगदान गर्ने ब्यक्तिहरु मध्य प्राडा लेखनाथ शर्मा र कल्पना श्रेष्ठ, जेष्ठ सदस्य शिवहरी अर्याल र पाकुली तामाङ्गलाई समेत सम्मान गरिएको छ ।
स्थापना दिवसकै अवसरमा विशेष जेष्ठ सदस्य गोवर्धन आचार्य र विष्णु प्रसाद श्रेष्ठलाई नगद ५ हजार, हर्लिक्स, सम्मान पत्र र दोसल्ला ओडाएर सम्मान गरिनुका साथै असहाय एवं विपन्न विद्यार्थीहरु अस्मक वस्नेत र शिव फेवालीलाई पनि नगद ५ हजार सहयोग प्रदान गरिएको छ ।
संस्थाले स्थापना दिवसको अवसर पारेर महेन्द्र मावि कुन्दुरटार र तारा मावि छेपेटार तथा मनकामना बहिरा आवासीय मावि टक्सारमा अध्ययनरत विद्यार्थीहरुलाई स्टेशनरी सामग्रीका साथै कक्षा ९ देखि कक्षा १२ सम्मका विद्यार्थीहरुलाई सहकारी शिक्षा र वित्तीय साक्षरताको कार्यक्रम सञ्चालन गरिएको उनले जानकारी दिए ।
संस्थाका अध्यक्ष रामबाबु श्रेष्ठको अध्यक्षतामा भएको कार्यक्रममा प्रमुख अतिथि गोरखा नगरपालिका वडा नम्बर ७ का वडाध्यक्ष विष्णुप्रसाद श्रेष्ठ, विशेष अतिथिहरु जिल्ला सहकारी संघका सचिव मेनबहादुर अधिकारी र गोरखा जिल्ला बचत संघ लि.का ओमबहादुर श्रेष्ठ तथा सल्लाहकार गोवर्धन आचार्यले शुभकामना मन्तब्य राखेका थिए ।
गाेरखा नगरपालिका स्तरीय साकाेसमा २ हजार ७१६ जना सदस्य आबद्ध रहेकाे छ भने हालसम्म ४५ कराेड ११ लाखभन्दा बढी वासालात भएकाे संस्थाले जानकारी दिएकाे छ ।
