गोरखा । गोरखा सदरमुकाममा चोरी गरी सोही घरमा आगजनी गरेको आरोपमा प्रहरीले १ जना यूवकलाई पक्राउ गरेको छ ।
पक्राउ गरेका ब्यती गोरखा नगरपालिका–१० का ३६ बर्षिय मन्जिल मग्राती भएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी ईन्द्र प्रसाद सुवेदीले जानकारी दिए ।
गएको माघ १७ गते अन्दाजी २ बजेको समयमा गोरखा नगरपालिका–१० को छेवेटार बजारमा रहेको बुद्विमान गुरुङ र गिता पोखरेलले सञ्चालन गरेको खाजा घरबाट नगद तथा धनमाल चोरी गरी पोखरेलको खाजा घरमा आगजनी गरेको आरोपमा मग्रातीलाई प्रहरीले पक्राउ गरेको सूचना अधिकारी सुवेदीले बताए ।
चोरी तथा आगजनीका सम्बन्धमा प्रहरीले गरेको अनुसन्धानका क्रममा मग्रातीको संलग्नता देखिएपछी उनलाई नियन्त्रणमा लिएको पनि गोरखा प्रहरीले जनाएको छ ।
प्रहरीले मग्रातीको घरबाट चोरी भएका सामान मध्य केही सामान समेत बरामद गरेको छ । फागुन ६ गते मंगलबार पक्राउ परेका मग्राती उपर फागुन ८ गते बिहीबार चोरी तथा अपराधिक उपद्रव शिर्षकमा मुद्वा दर्ता गरी प्रहरीले अनुसन्धान थालेको छ ।
सूचना अधिकारी सुवेदीले दिएको जानकारी अनुसार पक्राउ परेका मग्राती यस अघि २०७१ साल जेठ १८ गते डाँका चोरी गरी कर्तब्य ज्यान कसूरमा, २०७९ साल कार्तिक १७ गते चोरी कसूरमा र २०८० साल बैशाख ३१ ग्ते सार्वजनिक शान्ति बिरुद्वको कसूरमा समेत मुद्वा दर्ता भई कारवाहीमा परेका ब्यती समेत खुल्न आएको छ ।
