गोरखा दरर्बार सङ्ग्रहालय अबलाेकनका लागी जादै गरेकाे नेपाली बिद्यार्थीहरु
गोरखा । यो आर्थिक बर्षको पहिलो ६ महिनामा गोरखा सदरमुकाममा रहेको गोरखा दरर्बार सङ्ग्रहालयको करिब ६६ हजार जनाले अबलोकन गरेका छन् । आर्थिक बर्षको साउनदेखी पौष मसान्तसम्ममा कुल ६५ हजार ३४६ जनाले सङ्ग्रहालयको अबलोकन गरेको सङ्ग्रहालय प्रमुख जयनारायण कार्कीले बताए ।
प्रमुख काकीले दिएको जानकारी अनुसार यो आर्थिक बर्षको अघिल्लो ६ महिनामा सबैभन्दा बढी नेपालीहरुले सङ्ग्रहालयको अबलोकन गरेका छन् ।
सङ्ग्रहालयले अबलोकन गर्नेहरुलाई ४ समूहमा बिभाजन गरेको छ । जसमा नेपाली बिद्यार्थी, नेपाली सर्व साधारण, सार्क राष्ट्र र विदेशी गरी बर्गिकरण गरेको छ । त्यस मध्ये पनि सर्व साधारण नेपालीको संख्या अधिक रहेको छ ।
कार्यालयले दिएको तथ्यांक अनुसार ६४ हजार २५१ जना मध्य ३६ हजार ३३३ जना नेपाली र २७ हजार ९१८ जना नेपाली बिद्यार्थीहरुले सङ्ग्रहालयको अबलोकन गरेका छन् ।
त्यस्तैगरी, सोही अवधीमा सार्क राष्ट्रका ५६ जना र तेस्रो राष्ट्रका बिदेशीहरु १ हजार ३९ जनाले सङ्ग्रहालयको अबलोकन गरेका छन् ।
कार्यालयको तथ्यांक अनुसार साउनमा ६ हजार ७०५ जना, भाद्रमा ५ हजार ५८६ जना, असोजमा ४ हजार १३० जना, असोजमा २१ हजार २०१ जना, कार्तिकमा १५ हजार ४६१ ज्ना, मंसिरमा २१ हजार २०१ जना र पौष महिनामा १२ हजार २६२ जनाले सङ्ग्रहालयको अबलोन गरेका छन् ।
अघिल्लो आर्थिक बर्षको तुलनामा यो आर्थिक बर्षको सोही अवधीमा २ हजार ६३८ जना बढी मानिसले संङ्ग्रालयको अबलोकन गरेका छन् । अघिल्लो बर्ष भने सोही अवधीमा कुल ६२ हजार ७०८ जनाले संङ्ग्रालयको अबलोकन गरेको थियो ।
गोरखा दरर्बार संङ्ग्रालयको महत्व
गोरखा नगरपाकिला–६ को ठुलो आँगन क्षेत्रमा रहेको संङ्ग्रालय दरबार परिसरमै देखिने वास्तुकला तथा ऐतिहासिक एवं पुरातात्विक महत्वका सामग्रीहरू आफैंमा संग्रहालय जस्तो भए पनि संग्रहित गरिएका धेरै सामग्री तथा तस्बिरहरू संग्रहालयका अमूल्य निधि हुन् ।
संग्रहालयमा पृथ्वीनारायाणलगायत अन्य राजाहरूसँग सम्बन्धित सामग्रीहरू संग्रहित छन् ।
गोरखा दरबार संग्रहालयमा राष्ट्रिय संग्रहालयमा समेत नभएका पुराना राजाहरूले राज्य चलाउँदा प्रयोग गरेका सामग्रीहरू देख्न पाइन्छ । शाहवंशीय राजा द्रव्य शाह हुँदै पृथ्वीनारायणसम्मका महत्वपूर्ण वस्तुहरू संग्रहालयमा छन् ।
दरबारको पहिलो र दोस्रो तलाका १९ वटा कोठा संग्रहालयका लागि प्रयोग गरिएको छ । गुरु गोरखनाथका पूजा सामग्री एवं बाजागाजाहरू साथै नेपाल एकीकरण हुँदा प्रयोग भएका हातहतियारहरू पनि संग्रहालयमा छन् ।
त्यहाँ पृथ्वीनारायण शाहको पालामा दैनिक प्रयोग भएका भाँडाकुँडा, मानापाथी तथा विभिन्न कलात्मक सामग्रीहरू पनि अवलोकन गर्न सकिन्छ । काष्ठकलाले भरिपूर्ण तिनमुखे झ्याल, टुँडाल, १६ वटा थामको कलात्मक बरन्डा संग्रहालयका आकर्षण हुन ।
यो संग्रहालय २०४० सालमा निर्माण प्रारम्भ भै २०६५ मा आएर सर्वसाधारणका लागि खुल्ला गरिएको थियो ।