फाईल तस्बिर
गोरखा । उत्तरी गोरखाका मनास्लु क्षेत्रमा अग्रेजी बर्ष सन २०२४ मा झण्डै ११ हजार बिदेशी पर्यटक पुगेका छन् ।
मनास्लु संरक्षण क्षेत्र आयोजनाको फिल्ड कार्यालय फिलिमका अनुसार सन २०२४ मा उक्त क्षेत्रमा १० हजार ६०५ जना बिदेशी पर्यटक पुगेको जानकारी दिएको हो ।
कार्यालयका संरक्षण अधिकृत एवं सूचना अधिकारी भूवनराज ओझाका अनुसार यो अहिलेसम्मै सर्वाधिक पर्यटकको संख्या हो । सो क्षेत्रमा अधिल्लो बर्ष सन २०२३ मा ९ हजार १७७ जना बिदेशी पर्यटकले यात्रा गरेका थिए ।
सूचना अधिकारी ओझाले दिएको जानकारी अनुसार सन २०२४ मा सबैभन्दा बढी तेस्रो मुलुकबाट आएको छ भने सबैभन्दा कम सार्क राष्ट्रबाट आएको देखिन्छ । सार्क राष्ट्रबाट १३२ जना पुरुष र ५० जना महिला गरी कुल १८२ जनाले मनास्लु पदमार्गको यात्रा गरेको उनले जानकारी दिए ।
सार्क राष्ट्र मध्य भारतबाट १५९ जना र पाकिस्तानबाट १ जनाले मनास्लु पदमार्ग गएका थिए । सोही अवधीमा तेस्रो राष्ट्रका १० हजार ४२३ जनाले उक्त पदमार्गको यात्रा तय गरेका थिए ।
तेस्रो राष्ट्र मध्यपनि सबैभन्दा धेरै फ्रान्सबाट १ हजार ३३५ जना, जर्मनीबाट १ हजार १८१ जना, नेदरल्याण्डबाट ८८० जना र अमेरिकाबाट ७९६ जनाले मनास्लु पदमार्गको यात्रा तय गरेको आयोजनाले उपलब्ध गराएको तथ्यांकमा उल्लेख गरिएको छ ।
तेस्रो राष्ट्रको माल्टाबाट भने १ जना पुरुषले मनास्लु पदमार्ग प्रयोग गरेका थिए । यो पदमार्गमा २ जना तेस्रो लिंगीले पनि यात्रा गरेको तथ्यांकबाट देखिन्छ ।
तेस्रो मुलुक मध्य बेलायत, अष्ट्रेलिया, चेक रिपब्लिक, स्पेन तथा चाइनाबाट आएको पर्यटकले पनि उक्त पदमार्गको यात्रा गरेका थिए । जसमध्य चाइनाबाट १८४ जनाले उक्त पदमार्गमा गएका थिए ।
मनास्लु संरक्षण क्षेत्र गोरखा जिल्लाको चुमनुब्री गाउँपालिका भित्र पर्दछ । ठुलो क्षेत्रफल ओगटेको यो आयोजनाको पदमार्गमा स्वदेशी तथा बिदेशी पर्यटकहरुले प्राकृतिक शौन्दर्य, स्थानिय कला, संस्कृती, खानपानका साथै विश्व चर्चित मनास्लु हिमाल, सेराङ तथा मु गुम्बा र कल्छुमन एवं बिरेन्द्र तालको अबलोकन सहजै गर्न सक्नेछन् । त्यस बाहेक पनि मनास्लु हिमाल आरोहण तथा आधार शिविरसम्म पैदल यात्रा गर्ने बिदेशीहरुको संख्या समेत बढ्दै जान थालेको छ ।
यो पदमार्ग प्रयोग गर्ने बिदेशी पर्यटकहरुले कम्तीमा ७ दिन र बढीमा १० दिन गोरखाको विभिन्न स्थानमा बसोबास गर्ने गर्दछन् ।
हजार बढी
