गोरखा । अधिल्लो ४ महिनामा मात्रै करिब ३२ हजार जनाले गोरखा दरर्बार संग्रालयको अबलोकन गरेका छन् । यो आर्थिक बर्षको पहिलो ४ महिना (साउनदेखी कार्तिकसम्म) ३१ हजार ८८३ जनाले अबलोकन गरेको संग्रालय प्रमुख जयनारायण कार्कीले बताए ।
उनका अनुसार संग्रालय अबलोकन गर्नेमा सबैभन्दा धेरै नेपाली रहेका छन् । यो आर्थिक बर्षको साउनदेखी कार्तिक मसान्तसम्ममा संग्रालय अबलोकन गर्ने मध्ये ३१ हजार २८० जना नेपालीहरुले अबलोकन गरेको उनले जानकारी दिए ।
जसमध्य २१ हजार ४९१ जना नेपाली पर्यटक र ९ हजार ७८९ जना नेपाली बिद्यार्थीहरु रहेको संग्रालयको तथ्यांकमा उल्लेख गरीएको छ ।
यो बिचमा सार्क र विदेशी राष्ट्रका नागरिकहरुले पनि संग्रालय अबलोकन गरेको देखिन्छ । सार्क राष्ट्रका २५ जनाले र ५७८ जना बिदेशी नागरिकहरुले पनि गोरखा दरर्बार संग्रालयको अवलोकन गरेको देखिन्छ ।
४ महिनाको यो अवधिमा संग्रालयले कुल ७ लाख ९ हजार ३६५ रुपैयाँ राजश्व संकलन गर्न सफल भएको छ ।
संग्रालय अबलोकन गर्न आएका बिद्यार्थीहरुबाट रु १० का दरले ९७ हजार ८९० रुपैयाँ, नेपाली पर्यटकबाट रु २५ का दरले ५ लाख ३७ हजार २७५ रुपैयाँ, सार्क राष्ट्रका नागरिकबाट रु ५० का दरले १ हजार २५० रुपैयाँ र बिदेशी नागरिकबाट रु १०० का दरले ५७ हजार ८०० रुपैयाँ संकलन भएको संग्रलायको लेखा शाखाले जानकारी दिएको छ ।
त्यसका साथै संग्रालय भित्र प्रवेश गर्दा लाने भिडियो क्यामेरा तथा क्यामेरा र फिल्म छायांकनका साथै पसल कबल भाडाँमा दिएर राजश्व संकलन गर्ने गर्दछ ।
तात्कालिन राजा राजेन्द्र बिक्रम शाहको पालामा बिक्रम संम्बत १८९६ सालमा निर्माण भएको उक्त दरर्बार अहिले ६८ रोपनी क्षेत्रफलमा फैलिएको छ ।
पंञ्चायत कालमा जिल्ला भित्रका सबै सरकारी कार्यालय रहेको यो दरर्बारमा बिक्रम संम्बत २०६५ साल जेठ १९ गते विधीवत रुपमा संग्रालयको रुपमा खुल्ला गरीएको हो । संग्रालय बाहिर भने करिब ३०० प्रजातिका बोट बिरुवाहरु देख्न पाइन्छ ।
