काठमाडौं । नेपाली बजारमा केही दिन यतादेखी दैनिक जसाे बढेकाे सुनकाे मूल्य आज पनि कायमै रह्याे । शुकंबार आज बजार खुल्नासाथै ताेलमा २ हजार रुपैयाँले मूल्य बढेर नयाँ कीर्तिमान बनाएकाे छ ।
बिहीबार प्रतितोला १ लाख ६२ हजार ४०० रुपैयाँमा कारोबार भएको सुन शुक्रबार ताेलाकाे १ लाख ६४ हजार ४०० रुपैयाँमा काराेबार भएकाे नेपाल सुन चाँदी ब्यवासायी महासंघले जनाएकाे छ ।
त्यस्तैगरी, आज पनि चाँदीको भाउ बढेको छ । चाँदी ताेलामा प्रतितोला ३० रुपैयाँले बढेर ताेलाकाे १ हजार ९८० रुपैयाँमा काराेबार भएकाे महासंघले जनाएको छ ।
नजिकिँदो अमेरिकी राष्ट्रपतिको चुनाव र त्यसबाट निम्तिन सक्ने अनिश्चित वातावरण तथा मध्यपूर्वको युद्धका कारण लगानीकर्ता सुनमा आकर्षित हुँदा मूल्य बढेको रोयटर्सले उल्लेख गरेको छ ।
अन्तर्राष्ट्रिय बजारमा मूल्य बढ्ने क्रम जारी रहेपछि त्यसको प्रभाव नेपाली बजारमा परेको हो ।