काठमाडाैं । नेपाली बजारमा सुनले किर्तीमानी भाउ कायम गर्ने क्रम जारी रहेकाे छ । आज सुनको भाउ एकैदिन तोलामा १ हजार ३०० रुपैयाँले बढे संगै पुन: नेपाली बजारमा अहिलेसम्मकै उच्च भाउ कायम गर्दै तोलाकाे १ लाख ६१ हजार ८०० रुपैयाँ पुगेको हाे ।
नेपाल सुनचाँदी व्यवसायी महासङ्घले जनाए अनुसार दशैँ बिदापछि कारोबार भएको पहिलो दिन हिजो सुनको भाउ तोलाकाे १ लाख ६० हजार ५०० रुपैयाँमा काराेबार भएकाे थियाे ।
यसअघि यही असोज १८ गते सुनको भाउ तोलाकाे १ लाख ६१ हजार ३०० रुपैयाँ पुगेको थियो ।
त्यस्तैगरी, चाँदीको भाउ तोलामा २५ रुपैयाँले बढेर १ हजार ९५० रुपैयाँमा कारोबार भइरहेको महासङ्घले जनाएको छ ।