गोरखा । सदरमुकाममा रहेको २ वटा सहकारी एकिकरणको लागी पहल सुरु भएको छ । गोरखा नगरपालिका–६ को हरमटारी र कालिमाटी बजारमा रहेको सहकारी एकिकरण प्रकृया थालनी भएको हो ।
एकिकरणकालागी हरमटारीमा रहेको श्री सिद्वि गणेश र कालिमाटी बजारमा रहेको उत्थान दैनिक बचत तथा ऋण सहकारी बिचको एकिकरण प्रकृया थालनी गरिएको दैनिक उत्थानका अध्यक्ष बावुराम श्रेष्ठले बताए ।
०८० साल असोज १९ गते बसेको एकिकरण समितीले एकै प्रकारका दुवै सहकारीको संयुत्त कारोबार गर्न सहमत भएका थिए । सोही प्रकृयालाई पुनः ०८१ असोज ७ गते बसेको एक बैठकले तत्कालै प्रकृया थाल्ने निर्णय गरेको थियो ।
गोरखा जिल्ला कार्य क्षेत्र रहेको दैनिक उत्थान र गोरखा नगरपालिका कार्य क्षेत्र रहेको श्री सिद्वि गणेश सोकोसको सोमबार बसेको सञ्चालक समितीको पूर्ण बैठकले एकिकरण संयोजन कार्यदल गठन समेत गरेको छ ।
कार्यदलको संयोजकमा दैनिक उत्थानका अध्यक्ष बावुराम श्रेष्ठलाई चयन गरेको श्री सिद्वि गणेश साकोसका अध्यक्ष सरदबावु कट्टेलले जानकारी दिए । उनका अनुसार कार्य दलमा दैनिक उत्थानबाट उपाध्यक्ष ओमबहादुर श्रेष्ठ र कोषाध्यक्ष सरोज पोखरेल तथा श्री सिद्वि गणेश साकोसको तर्फबाट अध्यक्ष कट्टेल, उपाध्यक्ष काजीराम श्रेष्ठ, सचिव श्रवण जोशी र सदस्य विशाल राना मगर रहेको ७ जनाको कार्यदल गठन गरेको छ ।
सोही बैठकले एकिकरण प्रकृया नसकिदासम्म नयाँ सदस्यता थप नगर्ने निर्णय समेत गरेको छ ।
गोरखा जिल्ला भर कार्य क्षेत्र रहेको उत्थान र दैनिक बचत तथा ऋण सहकारी संस्था लि.यस अघि नै एकिकरण भएर दैनिक उत्थानको नामले संयुत्त कारोबार गर्दै आएको हो ।