गाेरखा । लायन्स क्लब अफ गोरखाकालिकाले गोरखा सदरमुकाममा जापानिज ईन्सेफ्लाईटिस भएका १ जना महिलालाई आर्थिक सहयोग उपलब्ध गराएको छ ।
गोरखा नगरपालिका–१२ दशकिलो निवासी राधिका कुमाललाई संक्रमण देखिएर अस्पताल भर्ना भएपछी उपचारारर्थ ३० हजार सहयोग उपलब्ध गराएको सचिव लक्ष्मी श्रेष्ठले बताए । उनका अनुसार क्लबमा आबद्व ३२ जना मध्येबाट उठाईएको उक्त रकम कुमाललाई हस्तान्तरण गरिएको हो ।
भाद्र १६ गतेदेखी बिरामी परेका उनलाई गोरखा अस्पतालमा उपचारको क्रममा भाद्र २७ गते जापानिज ईन्सेफ्लाईटिस देखिएपछी थप उपचारकोलागि चितवनको पूरानो मेडिकल कलेज भर्ना गरिएको छ ।
गंभिर अवस्थामा उपचार भई रहेको उनको आर्थिक अवस्था कमजोर भएकोले सहयोग उपलब्ध गराईएको क्लबले जनाएको छ ।
कुमाल लायन्स क्बल अफ तारानगरको प्रथम उपाध्यक्ष समेत हुन् ।