काठमाडाैं । साताकाे पहिलाे दिन आज नेपाली बजार खुल्नासाथ सुनको भाउले अहिलेसम्मकै कीर्तिमानी भाउ बनाउन सफल भएको छ । आज सुनको भाउ ताेलामा १ हजार ७०० रुपैयाँले बढेसगै किर्तीमानी भाउ बनाएकाे हाे ।
सुनकाे भाउ बढेसगै आज ताेलाकाे १ लाख ५८ हजार ८०० रुपैयाँमा काराेबार भएकाे नेपाल सुनचाँदी ब्यवसायी महासंघले जनाएकाे छ । शुक्रवार सुनको भाउ १ लाख ५७ हजार १०० रुपैयाँ रहेको थियो ।
यसअघि गएको भदौ ३१ गते उच्च भाउ तोलाको १ लाख ५७ हजार ३०० रुपैयाँ पुगेको थियो ।
त्यस्तैगरी, आज चाँदीको भाउ ५ रुपैयाँले बढेर तोलाको १ हजार ९२० रुपैयाँमा कारोबार भैरहेको महासङ्घले जनाएको छ ।