एजेन्सी । भारतको सर्वाेच्च अदालतले आफ्नो आधिकारिक युट्युब च्यानल हटाएको छ । सर्वाेच्च अदालतको युट्युब च्यानल ह्याक भएको र त्यसमा क्रिप्टोकरेन्सीसँग जोडिएको सामग्री देखिएपछि च्यानल नै हटाइएको बीबीसी हिन्दीले जनाएको छ ।
भारतको सर्वाेच्च अदालतले सूचना निकालेर आफ्नो युट्युब च्यानललाई हटाइएको र आफ्नो युट्युब च्यानलको सेवा फेरि शुरू गरिने बताएको छ । यद्दपि सर्वाेच्च अदालतले निकालेको सूचनामा युट्युब च्यानल ह्याक भएको थियो कि थिएन भन्नेबारेमा जानकारी नदिएको बीबीसीको खबरमा उल्लेख छ ।
यस्तै युट्युब च्यानल किन हटाइएको भन्नेबारेमा पनि सर्वोच्च अदालतले विज्ञप्तिमा जानकारी दिएको छैन ।