गोरखा । ईलेक्टिकल सवारी साधन सञ्चालनमा लामो सयम पछी गोरखा सदरमुकाममा नै चार्जिङ स्टेशन स्थापना भएको छ । गोरखा नगरपालिका–८ को चाईनिजधारा टोल बिकासको खोलखोले क्षेत्रमा स्टेशन स्थापना गरीएको हो ।
गोरखा चार्जिङ स्टेशन एण्ड रिफ्रेस सेन्टरको नाममा स्थापना गरीएको स्टेशनमा एकै पटक साना तथा ठुला गरी ३ वटा सवारी साधन चार्ज गर्न मिल्ने सञ्चालक नारायण खत्रीले बताए । ‘जिल्लामा नै चार्जिङ स्टेशन नहुदाँ बिच बाटोमा चार्ज गनुपर्ने समस्या थियो’ उनले भने ‘अब भने बाटोमा चार्ज गनुपर्ने समस्या हटेको छ ।’
०८० साल चैत्र महिनादेखी सञ्चालनमा आएको ईलेक्ट्रिक माईक्रो स्टेशन नहुदाँ यात्रुले सास्ती खेप्ने गरी बिच बाटोमा वा सवारी साधन घरमा पार्किङका बेला चार्ज गदै आएका थिए । अब भने हाई भोल्टेज सहितको चार्जिङ स्टेशन स्थापना भएकाले त्यो समस्याबाट ईलेक्ट्रिक गाडीहरुले चार्जिङको समस्या झेल्नु नपर्ने उनले बताए ।
गोरखा दरौदी यातायात प्रालिले गएको चैत्र महिनादेखी हाईगरका १० र फोर्टनका ४ सवारी साधनगरी कुल १४ वटा ईलेक्ट्रिक माईक्रो गोरखादेखी राजधानीसम्म सञ्चालन गर्दै आएको प्रालिका अध्यक्ष समेत रहेका सञ्चालक खत्रीले जानकारी दिए ।
‘हामीलाई प्राप्त भएको ठुलो चार्जर हाईगर र सानो फोर्टनले उपलब्ध गराएको हो’ उनले भने ‘समितिले सञ्चालन गर्दा समस्या हुने भन्दै सञ्चालक समिमितमा कुरा निस्किए पछी चार्जर मेरो जिम्मा लगायो र मैले नै खर्च गरेर स्टेशन निर्माण गरे ।’ स्टेशनले असोज १ गते मंगलबारदेखी सेवा दिन सुरु गरेको पनि उनले बताए ।
५० र ७० किलोवाटका दुवै सवारी धेरैमा ४५ मिनेटमा फुल चार्ज हुने पनि सञ्चालक खत्रीले जानकारी दिए । उनका अनुसार स्टेशनमा माईक्रो बाहेक पनि अन्य ईलेक्ट्रिक सवारी साधन चार्ज गर्न पाईने छ ।
स्टेशनले पिकलोड साँझ ५ बजेदेखी राती ११ बजेसम्मको लागि प्रति युनिट १० रुपैयाँ र अन्य समयमालागि ८ रुपैयाँ प्रति युनिट लिने गरी चार्जिङको ब्यवस्था मिलाएको छ ।
स्टेशनका लागि बिद्युत प्राधिकरणले २०० केभिएको ट्रान्सफर्मर निशुल्क उपलब्ध गराएको हो । स्टेशन निर्माणमा १२ लाख रुपैयाँ खर्च भएको सञ्चालक खत्रीले बताए ।
