गोरखा । उत्तरी गोरखाको चुमनुब्री गाउँपालिकामा पर्ने मनास्लु संरक्षण क्षेत्र पुग्ने पर्यटकबाट आजबाट पदयात्रा शुल्क उठाउन सुरु गरिएको छ ।

गाउँकार्यपालिका बैठकको निर्णय र पालिकाको आर्थिक ऐन (२०८१) बमोजिम मनास्लु संरक्षण क्षेत्र भित्र प्रवेश गर्ने स्वदेशी तथा बिदेशी पर्यटकहरुबाट पदयात्रा शुल्क लिन सुरु गरिएको गाउँपालिकाका अध्यक्ष निमा लामाले बताए । ‘‘आजबाट मनास्लु पदयात्रा गर्नेहरुसंग शुल्क उठाउ थालिएकाे’’ भन्दै उनले भने ‘‘याे बिषयमा पाकालिका भित्रका जनप्रतिनिधि, राजनीतिक दल, पर्यटन व्यवसायी तथा सरोकारवालासंग पनि गाउँपालिकाले आवश्यक छलफल गरी सर्वसम्मत निर्णय पछि आजबाट शुल्क लिन सुरू गरिएको हाे ।’’

गाउँकार्यपालिका बैठक, चुमनुब्री गाउँपालिका आर्थिक ऐन (२०८१) एवं सर्वपक्षीय निर्णय बमोजिम गाउँपालिकाले पदयात्रा शुल्क उठाउन आवश्यक समन्वय तथा सहजीकरणका लागि पर्यटन विभागबाट पत्र आएपछि आजबाट सुरु गरेको अध्यक्ष लामाले बताए ।

राष्ट्रिय प्रकृति संरक्षण कोष तथा अध्यागमन विभागले उठाउने पदयात्रा शुल्क गाउँपालिकालाई बाँडफाँड नहुने भएकाले गाउँपालिकाले नै ऐन बनाएर पर्यटकबाट पदयात्रा शुल्क उठाउन लागेको हो । ‘‘गाउँपालिकाको आन्तरिक स्रोत अत्यन्तै न्युन छ’’ उनले भने, ‘‘मनास्लु क्षेत्र पुग्ने पर्यटकबाट राष्ट्रिय प्रकृति संरक्षण कोष तथा अध्यागमन विभागले उठाउने शुल्क गाउँपालिकालाई बाँडफाँड नहुने भएकाले गाउँपालिका आफैले पदयात्रा शुल्क उठाउने निर्णय गरेको हो ।’’

गाउँपालिकाले स्वादेशी पर्यटक संग २०० सय र विदेशी पर्यटकबाट प्रतिव्यक्ति १ हजारका दरले  पदयात्रा शुल्क लिन थालेकाे हाे ।गाउँपालिकाले पदयात्रा शुल्कबाट प्राप्त हुने रकमले चुमनुब्री तथा मनास्लु संरक्षण क्षेत्रको वातावरण संरक्षण एवं पर्यटन प्रवद्र्धनमा खर्च गर्ने जनाएको छ ।

लेखकबाट थप:

• सुन तोलामा ४३ सयले घट्याे
• साहित्य र चलचित्रका २ साधकलाई ‘दाहाल यज्ञनिधि पुरस्कार’
• असार मसान्तसम्म खपत भएको बिजुलीमा भ्याट नलाग्ने
• नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर
• आजकाे माैसम : बागमती, गण्डकी र कर्णालीमा भारी वर्षाको सम्भावना