साँकेतिक तस्बिर
गोरखा । लगातारको बर्षापछि गएको पहिरोले अबरुद्ध भएको गोरखा–आँबुखैरेनी सडक दुईतर्फी सञ्चालनमा आएकाे छ ।
उक्त सडखण्डकाे गोरखा नगरपालिका–१३ मझुवाँस्थित ७ किलो भन्ने स्थानमा सडक माथिबाट पहिरो खसेर अबरुद्ध भएको थियाे ।
जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी रमेशकुमार श्रेष्ठले दिएकाे जानकारी अनुसार विहान करिब ७ः ३० बजे सडकमा पहिरो खसेको थियाे । लगातार ३ घण्टाकाे प्रयासमा बिहान ९:३० बजे पहिरो पन्छाएर दुईतर्फी नै सडक सञ्चानमा आएको छ ।
ठुलाे पानीका कारण गाेरखा-आबुखैरेनी सडक खण्डकाे दर्जनाै ठाउँमा गएकाे साना पहिरो समेत पन्छाउने काम सकिएकाे छ । सडक अबरुद्ध हुँदा गोरखा सदरमुकामबाट राजधानी काठमाण्डौ,पोखरा चितवनलगायतका शहरबाट जानेआउने सवारी साधन र त्यसमा सवार यात्रुहरु रोकिएका थिए ।
