एजेन्सी/अमेरिकी राष्ट्रपतिकी उम्मेदवार कमला ह्यारिसले चुनावी अभियानको लागि ५४ करोड डलर सहयोग जुटाउ सफल भएका छन् ।
डेमोक्रेटिक पार्टीकी उम्मेदवार कमला ह्यारिसले अमेरिकी राष्ट्रपतिको लागि अभियान शुरु गरेको एक महिना भन्दा कम समयमै ५ ४० मिलियन डलर अर्थात् ५४ करोड डलर सहयोग वा चन्दा उठाउन सफल भएको समाचार संस्था रोयटर्सले जनाएको छ ।
याे रकम नेपालीमा रुपान्तरण गर्दा ७२ अर्ब रुपैयाँ भन्दा धेरै हुन आउँछ ।
गएको हप्ता भएको डेमोक्रेटिक पार्टीको राष्ट्रिय सम्मेलनको समयमा मात्रै ८२ मिलियन डलर चन्दा उठेको थियो । चन्दाको वृद्धिले कमला ह्यारिसको उम्मेदवारीप्रति अमरिकी व्यापारी र नागरिकले उत्साह देखाएको सङ्केत मिलेको डेमोक्रेट नेताहरुले बताएका छन् ।अमेरिकी राष्ट्रपतिको चुनाव आउँदो नोभेम्बरमा हुँदैछ ।