रौतहट । बौधिमाई नगरपालिका–७ बंकुलस्थित सीमा ईलाकाबाट आज सशस्त्र प्रहरीले स्रोत नखुलेको करिब १५ लाख रुपैयाँ सहित १ जनालाई नियन्त्रणमा लिएको छ ।
नियन्त्रणमा लिईएका व्यक्ति भारतको पूर्वी चम्पारण जिल्ला मोतिहारी झरोखर–७ जमुनिया बस्ने ३१ बर्षिय गजेन्द्र राय रहेको शसस्त्र प्रहरी बल नेपालका सहप्रबक्ता शैलेन्द्र थापलो जानकारी दिए ।
उनका अनुसार उक्त ब्यत्तीबाट प्रहरीले मोटरसाइकलमा लुकाएर नेपाल ल्याउदै गरेको १४ लाख ८० हजार नेपाली रुपैयाँ बरामद भएको छ । सशस्त्र प्रहरी बल नेपाल बोर्डर आउट पोष्ट सरमुजवाले उनलाइ नियन्त्रणमा लिएको हो ।
बीआर ०५ बीबी ६२१२ नम्बरको मोटरसाईकलमा भारतबाट नेपातलर्फ आउँदै गरेका उनलाई बिशेष सूचनाको आधारमा खटिएको सुरक्षा फौजले जाँच गर्दा मोटरसाईकलको सिटमुनि लुकाई छिपाई ल्याउँदै गरेको उक्त फेला पारी नियन्त्रणमा लिईएको सहप्रबक्ता थापाले जानकारी दिए ।
नियन्त्रणमा लिईएका उनलाई बरामद नेपाली रुपैयाँ तथा मोटरसाईकलसहित आवश्यक कारवाहीको लागि गौर भन्सार कार्यालय रौतहटमा बुझाईएको पनि सहप्रबक्ता थापाले बताए ।
