गोरखा । गोरखाको उत्तरी क्षेत्रमा केही दिनदेखि नेपाल टेलिकमको मोवाइल सेवामा इन्टरनेट सेवा नचल्दा स्थानीयबासी समस्यामा परेका छन् । टेलिकमको मोवाइलमा डाटा नचल्दा सूचना आदानप्रदानका लागि समस्या भएको चुमनुब्री गाउँपालिका–१, सामागाउँकी वडा सदस्य दिजेन डोल्मा लामाले बताईन ।

‘‘मोवाइलमा इन्टरनेट डाटा नचलेपछि सूचना पठाउन सकस भइरहेको छ, उनले भने, ‘‘हामीले टेलिकमलाई पनि जानकारी गराइसकेका छौ तर अझै सूचारु हुन सकेको छैन ।’’

ईन्टरनेटमा समस्या भएकै कारण केही दिन अगाडी मनास्लु हिमालबाट खसेको हिमपहिरो बिरेन्द्र तालमा खस्दा भएको समस्याको सूचना दिन नपाएको उनले गुनासो गरिन ।

‘‘नेपाल टेलिकमको फोरजी सेवा चल्ने ठाउँमा अहिले टुजी समेत चल्दैन, चुमनुब्री गाउँपालिकाका अध्यक्ष निमा लामाले भने, कहाँ के भएर बिग्रिएको हो भन्ने बारेमा जानकारी छैन, इन्टरनेट नचल्दा गाउँपालिकाको काममा समेत समस्या भइरहेको छ ।’’ उनले इन्टरनेट बिग्रिएको साता दिन दिनभन्दा बढी भइसकेको बताए ।

नेपाल टेलिकम गोरखाका शाखाका प्रमुख सरोज अर्यालले कार्यालयलाई इन्टरनेट सेवा नचलेको बारेमा कुनै जानकारी नआएको बताए । ‘‘कुन ठाउँमा समस्या भएको हो, तत्काललै बुझेर समस्या समाधानका लागि पहल गर्छु, उनले भने, ‘‘हामीलाई इन्टरनेट नचलेको भन्ने बारेमा जानकारी नै थिएन ।’’

लेखकबाट थप:

• सुन ताेलामा ४८ सयले घट्याे
• आज कुशे औँसी
• नेपाल राष्ट्र बैंकले शुक्रबारकाे लागि निर्धारण गरेकाे विदेशी मुद्राको विनिमयदर
• चितवनमा इभी कारमा आगलागी, चालकको मृत्यु, पहिचान हुन सकेन
• आजकाे माैसम : देशभर मनसुनी वायुको प्रभाव कायमै, केही स्थानमा भारी वर्षाको सम्भावना