दमौली । तनहुँको म्याग्दे गाउँपालिकामा छोराले बुवाको हत्या गरेका छन् । म्याग्दे गाउँपालिका–६ बस्ने आफ्नै बुवा ७६ वर्षीय रापबहादुर बिकलाई आफ्नै छोरा २६ वर्षीय दिपक बिकले हत्या गरेको जिल्ला प्रहरी कार्यालय तनहुँ दमौलीका प्रहरी नायब उपरिक्षक एवं सूचना अधिकारी प्रदिपकुमार रायले जानकारी दिए ।
उनका अनुसार छोरा दिपकले बुवा रापबहादुरलाई चक्कु प्रहार गरेर हत्या गरेका थिए । हत्या आरोपमा प्रहरीले दिपकलाई शुक्रबार नै नियन्त्रणमा लिएर अनुसन्धान सुरु गरेको जनाएको छ ।
शुक्लागण्डकी नगरपालिका–९ घारीस्थित छोरी रस्मी बिकको घरमा बस्दै आएका रापबहादुरलाई दिपकले सामान्य घरायसी विवादमा चक्कु प्रहार गरेका थिए ।
चक्कु प्रहारबाट घटना स्थलमा नै ज्यान गएको कुरा स्थानियले प्रहरीलाई जानकारी दिए लगत्तै इलाका प्रहरी कार्यालय बेलचौतराबाट खटिएको प्रहरीको टोलीले दिपकलाई पक्राउ गरेको सूचना अधिकारी रायले बताए ।