पर्वत । पर्वतमा एक दम्पती मृतावस्थामा फेला परेका छन् । जलजला गाउँपालिका–२ मल्लाजको दहमा श्रीमान श्रीमती मृतावस्थामा फेला परेको पर्वत प्रहरीले जानकारी दिएको हो ।
मृतावस्थामा भेटीएका ६९ वर्षीय सूर्यबहादुर जिसी र उनकी श्रीमती अन्दाजी ६७ वर्षीया कमला जिसी भएको प्रहरी पुष्टी गरेको हो । दुवैजना आफ्नै घरभित्र मृतावस्थामा भेटिएका हुन् ।
स्थानीयले श्रीमान्–श्रीमती नै मृतावस्थामा देखेपछि प्रहरीलाई खबर गरेका थिए ।
घटनाको प्रारम्भिक अवस्था हेर्दा शङ्कास्पद देखिएको भन्दै पोखराबाट चिकित्सकसहितको टोली बोलाइएको पनि प्रहरील जानकारी दिएको छ ।
दम्पतीको शव आज बिहान ९ बजे भेटिएको हो । दुवै जना रगताम्य अवस्थामा भेटिएकाले घटना संकास्पद देखिएको प्रहरीले जनाएको छ ।