गोरखा । गोरखा सदरमुकाममा डढेलो नियन्त्रण सम्वन्धी पूर्वअभ्यास कार्यक्रम सम्पन्न गरिएको छ ।
ऐतिहासिक क्षेत्र संरक्षण तथा बिकास समितिको आयोजना तथा गोरखा नगरपालिका र डिभिजन बन कार्यालयको आर्थिक सहयोगमा आज १ दिने पूर्वअभ्यास कार्यक्रम सम्पन्न भएको छ ।
पूर्वअभ्यासमा स्थानिय, सामुदायिक बनका प्रतिनिधिहरु, स्थानिय जनप्रतिनिधी, नेपाल प्रहरी, सशत्र प्रहरी, नेपाली सेना तथा बन रक्षकहरुको सहभागिता रहेको थियो ।
पूर्वअभ्यासमा सहभागीहरुलाई गोरखा सदरमुकामको १ हजार ५०० रोपनी क्षेत्रफलभन्दा बढी क्षेत्रफलमा फैलिएको कुहिरेभीर–माहुरेभीर जंगलमा प्रज्वलनशिल पदार्थहरु संकलन गरेर अभ्यास गराईएको थियो ।
