गोरखा । चैत्र महिना लागे लगत्तै देशैभर ह्वात्तै गर्मी बढेको छ । यही मौसममा देशैभरका विभिन्न जंगलहरुमा आगलागीको हुदा धनजनको क्षती भईरहेको सन्दर्भमा गोरखा सदरमुकामको कुहिरे र माहुरेभीरमा डढेलो नियन्त्रणका लागि पूर्व तयारी गर्दै आज डढेलो ब्यस्थापन कार्य गरीउको छ ।
१ हजार ५०० रोपनीभन्दा बढी क्षेत्रफलमा फैलिएको उक्त जंगलमा बर्षेनी स्थानियले आगो लगाइदिदा जंगलको बिनाश भएकोभन्दै गोरखा नगरपालिका र डिभिजन बन कार्यालय गोरखाको पहलमा स्थानिय र सुरक्षाकर्मीहरु भएर डढेलो ब्यवस्थानको कार्य गरीएको हो ।
ऐतिहासिक क्षेत्र संरक्षण तथा बिकास समितिको आयोजनामा भएको डढेलो ब्यवस्थापनमा स्थानिय, जनप्रतिनिधी, नेपाल प्रहरी, शसत्र प्रहरी, नेपाली सेना र बन कार्यालयका बन रक्षकहरुको सहभागीता रहेको छ । सहभागीहरुले प्रत्येक २–२ मिटरमा रहेको प्रज्वलनशिल पदार्थ अर्थात आगलागी हुनसक्ने सुकेका झारपात तथा पातपतिंगरहरु संकलन गरेर आगो लगाउने काम भएको थियो ।
उक्त कार्यक्रममा सहभागी हुन पुगेका गोरखा नगरपालिकाका मेयर कृण्णबहादुर राना मगरले बनक्षेत्रलाई डढेलोबाट जोगाउन सबै संग सहकार्य गरेर अगाडी बढन नगरपालिका तयार रहेको भन्दै स्थानियको सहभागीता बिना यो संभव नभएको बताए ।
कार्यक्रमको सुरुवात गर्दै प्रमुख जिल्ला अधिकारी भोला दाहालले बनमा लाग्ने डढेलो र यसको नियन्त्रणका बारे जनस्तरमा सचेतना फैलाउन पर्नेमा जोड दिए ।
कार्यक्रमका बारेमा जानकारी दिदै डिभिजन बन अधिकृत मदनमोहन शाण्डिल्यले बनजंगल भित्र जम्मा भएर बसेको प्रज्वलनशिल पदार्थहरु माघ महिना भित्रै संकलन गरेर आगो लगाएर निभाउने गरेको खण्डमा गर्मी याममा हुने बन डढेलोबाट जोगाउन सकिनेभन्दै सबैको सहयोगमा यस्ता कार्यको थालनी सुरु गरिएको बताए । ‘जंगलमा आगो लागेन भनेर ढुक्क भएर बस्ने अवस्था हुदैन’ उनले भने ‘बर्षौदेखी जंगलभित्र जम्मा भएर बसेका दाउरा तथा घाँसहरु जम्मा पारेर पहिल्यै आगो लगाउन सके बिनाशकारी डढेलोबाट बच्न सकिन्छ ।’
गोरखा सदरमुकाम भित्र रहेको उक्त जंगलले गोरखा नगरपालिका ४, ६ र ८ वडालाई समेटेको छ ।