कावासाेती । मध्यविन्दु नगरपालिकाकाे भित्री सडकमा भएकाे माेटरसाईकल दुर्घटनामा परी १ जनाकाे ज्यान गएकाे ५ भने अर्का २ जनाकाे गंभिर घाईते भएका छन् । मध्यविन्दु नगरपालिका–११ स्थित सडकमा गएराति भएको मोटरसाइकल दुर्घटनामा परी स्थानिय ३० वर्षीय अनिल विककाे ज्यान गएकाे हाे ।
दुर्घटनामा घाईते भएका बिककाे उपचारकाे क्रममा ज्यान गएकाे जिल्ला प्रहरी कार्यालय नवलपरासीका प्रहरी नायब उपरीक्षक एवं सूचना अधिकारी वेदबहादुर पौडेल जानकारी दिए ।
उनका अनुसार मध्यविन्दु–११ दमारचोकस्थित भित्री सडककाे दमारबाट तमासपुरतर्फ आउँदै गरेको लु ७६ प १६२१ नंको मोटरसाइकल दुर्घटना भएको हो । विकको आज बिहान उपचारका क्रममा ज्यान गएकाे भएको हो ।
साेही दुर्घटनामा परी मध्यविन्दु–११ निवासी २५ वर्षीय अजय ठकुरी र २८ वर्षीय कृष्णबहादुर विक समेत घाईते भएका छन् । अजयकाे भने चितवन मेडिकल कलेजमा उपचार भइरहेको प्रहरीले जानकारी दिएकाे छ ।
कृष्णबहादुर भने मोटरसाइकल चालक भएकाे पुष्टी भए लगत्तै प्रहरीले उनलाई नियन्त्रणमा लिएकाे छ ।
