गोरखा । जिल्लाको अजिरकोट गाउँपालिकामा खानेपानीकालागि करिब १ अर्बको आयोजना सञ्चालनमा आउने भएको छ । बृहत्त पम्पिङ आयोजना अन्तरर्गत पालिका भित्र बसोबास गर्नेहरुकालागि उक्त रकम बरावरको आयोजना सञ्चालनमा आउन लागेको पालिका अध्यक्ष दिपक देवकोटाले जानकारी दिए ।
उनका अनुसार ८७ करोड ७८ लाख ८८ हजार २१ रुपैयाँ ७७ पैसाको आयोजना बन्ने निश्चित भएको हो । बृहत्त पम्पिङ आयोजनाकालागि सोमबार मात्रै पालिका र संघीय खानेपानी तथा ढल ब्यवस्थापना आयोजना बिच एक सम्झौता समेत भएको अध्यक्ष देवकोटाले बताए । ‘पालिका भित्र बसोबास गर्ने करिब ३७ सय घर धुरी परिवारलाई पानि बितरणको लागि आयोजना सञ्चालनमा ल्याउन लागेको’ भन्दै अध्यक्ष देवकोटाले भने ‘ति सबै घरमा २४सै घण्टा शुद्व पिउनेपानी बितरण हुने छ ।’
उनले उपभोत्ता समिति मार्फत करिब ९ करोड खर्च गनुपर्ने भएको हुदा त्यसमा पालिकाको तर्फबाट के कती सहयोग गर्ने भन्ने बारेमा छलफल गर्न बाँकी नै रहेको पनि जानकारी दिए ।
५ वटा वडा रहेको पालिका भित्रका जनतालाई पिउने पानी गोरखा र लमजुङको साधमा रहेको दुध पोखरीको फेदीबाट पाइपलाइन मार्फत पानी ल्याईने छ । मुख्य पाइप लाइन मात्रै पनि ४६ किलोमिटर हुने उक्त आयोजनाले ५ वटा वडामा रहेको ३ हजार ७०० घर धुरीमा जतिबेलै पनि पानी दिने गरी आयोजना सञ्चालनमा ल्याउन लागेको हो ।
जलवायु अनुकूलित बृहत्त खानेपानी आयोजना अन्तर्गत अजिरकोट गाउँपालिकाको १ देखी ५ वटा वडामा बृहत्त पम्पिङ खानेपानी आयोजना कार्यान्वयन गर्न लमजुङमा रहेको संघीय खानेपानी तथा ढल व्यवस्थापन आयोजना बीच सहमति पत्रमा हस्ताक्षर समेत भईसकेको छ ।
पालिकाको तर्फ अध्यक्ष देवकोटा र संघीय खानेपानी तथा ढल व्यवस्थापन आयोजना लमजुङको तर्फबाट आयोजना प्रमुख नरेश रेग्मीले हस्ताक्षर गरेको पालिकाले जनाएको छ ।
उक्त आयोजनाको लागि संघिय सरकार मार्फत ७९ करोड ९९ हजार २१९ रुपैयाँ ५९ पैसा प्राप्त हुने छ भने उपभोक्ता समिति मार्फत ८ करोड ७७ लाख ८८ हजार ८०२ रुपैयाँ ८८ पैसा खर्च गनुपर्ने छ ।
