गोरखा । उत्तरी गोरखाको आरुपोखरीमा ३२ बर्षकी महिलालाई बलात्कार गरेको आरोपमा ४० बर्षका पुरुष पक्राउ परेका छन् । पक्राउ पर्नेमा आरुघाट गाउँपालिका–८ आरुपोखरी, रातमाटेका चित्रबहादुर थापा भएको गोरखा प्रहरीले पुष्टी गरेको हो ।
आरोपित थापाले फागुन २९ गते दिउसो १ बजेको समयमा स्थानिय ‘स कुमारी’ नाम परिबर्तनलाई बलात्कार गरेको भन्दै पिडितकी आमाले प्रहरीमा उजुरी दिएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी रमेशकुमार श्रेष्ठले जानकारी दिए । उनका अनुसार पिडित भनिएकी महिला शारिरीक तथा मानसिक अवस्था कमजोर छ ।
घटना लगत्तै पिडितकी आमाले दिएको जाहेरीको आधारमा आरोपित थापालाई २९ गते मंगलबार नै पक्राउ गरीएको र ३० गते जबजस्ती करणी शिर्षकमा मुद्वा दर्ता गरेर थप अनुसन्धानका लागि गोरखा जिल्ला अदालतबाट म्यान थप गरको छ । आरोपित थापालाई प्रहरीको हिरासतमा नै राखेर अनुसन्धान सुरु गरीएको पनि सूचना अधिकारी श्रेष्ठले जानकारी दिए ।
