सुनसरी । सुनसरीको पिपलचोकमा गएराती भएको मोटरसाइकल दुर्घटनामा परी १ जना बृद्वाको ज्यान गएको छ भने अर्का १ पुरुष गंभिर घाईते भएका छन् । ज्यान गुमाउनेमा इटहरी उपमहानगरपालिका–२ की ७८ वर्षीया चन्द्रकुमारी बोहोरा भएको सुनसरी प्रहरीले पुष्टी गरेको हो ।
धरानबाट इटहरीतर्फ आउँदै गरेको प्र १–०२–०४० प ४४८३ नम्बरको मोटरसाइकलले ठक्कर दिँदा बोहोरा गंभिर घाईते भएकी थिइन । बोहोराको उपचारका क्रममा विराट टिचिङ अस्पताल विराटनगरमा ज्यान गएको जिल्ला प्रहरी कार्यालय सुनसरीका प्रहरी नायब उपरीक्षक एवं सूचना अधिकारी नवीनकृष्ण भण्डारीले जानकारी दिए ।
उनका अनुसार इटहरी उपमहानगरपालिका–१ स्थित पिपलचोकमा गए राति मोटरसाइकलको ठक्कर दिएको थियो ।
उक्त मोटरसाइकलले अर्का पैदलयात्री ५८ वर्षीय गोविन्दबहादुर बोहोरा समेत गंभिर घाइते भएका छन् । उनको उपचार जारी रहेको प्रहरीले जनाएको छ ।
तीव्रगतिमा रहेको मोटरसाइकलले ठक्कर दिँदा बृद्वाको ज्यान भएको प्रहरीको प्रारम्भिक अनुसन्धानबाट खुलेको छ । घटना लगत्तै चालक भने फरार भएकोले उनको ब्यापक रुपमा खोजी भईरहेको प्रहरीले जानकारी दिएको छ ।