काठमाडौं । शेर्पा समुदायले ल्होसार पर्व माघ २७ गते नै धुमधामका साथ मनाए । तर सरकारी लार्पवाहीका कारण आज सार्वजनिक बिदा दिएको छ ।
शेर्पा सङ्घका अध्यक्ष गेल्जे लामा शेर्पाले आफ्नो समुदायले माघ २७ गते नै ल्होसार पर्व मनाएको खुलासा गर्दै सरकारी लार्पवाहीको खुलेरै असन्तुष्टी पोखे । सरकारले आज ग्याल्पो ल्होसार भन्दै सार्वजनिक बिदा दिए पनि शेर्पा समुदायले एक महिनाअघि नै ल्होसार मनाएको उनले जानकारी दिए ।
अध्यक्ष शेर्पाले यसवर्षको ग्याल्पो ल्होसार र सोनाम ल्होसार गएको माघ २७ गते एकैदिन परेकोले त्यही दिन नै शेर्पा समुदायले ग्याल्पो ल्होसार मनाएको बताए । उनले आफुहरुको पर्वमा त्यतिबेलै प्रधानमन्त्री र सञ्चारमन्त्रीले समेत शुभकामना दिएको जानकारी दिए ।
उनले शेर्पाको संस्कृतिलाई लिएर सम्बन्धित विज्ञसँग छलफल नगरी सरकारले पात्रोमा बिदा राखेकोमा आपत्ति समेत जनाएका छन् ।